Payızda günəşin qızmar istiləri azaldıqca xanımlar istəməsələr də yay fəslinə aid olan rahat geyimləri qarderoblarından yığışdırmağa başlayırlar. Lakin yüngül yay donlarınızı əl altından götürməyib, onlardan payız aylarında da istifadə edərək fərqli görünüş əldə edə bilərsiniz.
Bu donların altından və ya üstündən qalın, rəngarəng qış sviterləri geyinərək soyuq aylarda da onlara yeni həyat vermək mümkündür. Həmçinin onları taytlarla kombinləmək də olar.
Qalın və nazik parçaların təzad yaratdığı kombinləri, onlara uyğun aksessuarlarla tamamlayaraq fərqli tərz yaratmaq mümkündür.
