Sumqayıtda boulinq mərkəzinin açılışı olub
Sumqayıt şəhər bulvarında “Gənclik city” mərkəzinin açılış mərasimində Sumqayıt Şəhər İcra Hakimiyyətinin başçısı Zakir Fərəcov, idarə və müəssisə rəhbərləri, şəhərin ictimaiyyət nümayəndələri iştirak edib.
Sumqayıt şəhər icra hakimiyyətinin başçısı Zakir Fərəcov mərkəzin açılışını bildirən qırmızı lenti kəsib. Sonra Z.Fərəcov çıxış edərək Sumqayıtda son zamanlar gənclərin asudə vaxtının səmərəli keçirilməsi üçün həyata keçirilən layihələrdən danışıb, gələcəkdə şəhərdə gənclər üçün yeni məkanların istifadəyə verilməsinin vacibliyini qeyd edib.
Qeyd edək ki, “Gənclik city” mərkəzində gənclərin boulinq oynaması ilə yanaşı, istirahət etməsi üçün də hər cür şərait yaradılıb.
