Rusiyadakı Ussuri körfəzi köhnə şüşə qablar və sovet dövründən qalma, zibil kimi atılan çinilərlə doludur. Vladivostok yaxınlığında yerləşən bu gözəl çimərlik, təbiətin inanılmaz gücü sayəsində gördüyünüz ən möhtəşəm görüntülü çimərliklərdən biri olub. Uzun illər Sakit okeanın dalğaları müxtəlif şüşələri hamar və rəngarəng “çınqıllara” çevirib. Bu səbəbdən də ərazi turistləri özünə cəlb edir. Ziyarətçilər yalnız bu gözəlliyi görmək üçün pul ödəyirlər.
Ussuri körfəzi bir vaxtlar təhlükəli sayılsa da, indi səlahiyyətlilər buranı “Şüşə çimərliyi” adlandırırlar. Həm turistlər, həm də yerli sakinlər arasında populyar olan çimərlik xüsusi mühafizə olunan əraziyə çevrilib.
