Adətən istiotdan yalnız xörək bişirərkən istifadə edilir. Amma “Gencaile.az” sizə istiotdan digər sahələrdə də faydalana biləcəyinizə dair maraqlı məlumat verir.
Paltarların rənginin solmasını əngəlləyir
Paltar yuyan maşına bir çay qaşığı istiot atsanız, tünd rəngli paltarların rəngi solmayacaq.
Həşəratları uzaqlaşdırır
Qarışqalar və ya siçanlarla bağlı probleminiz varsa, istiot sizə kömək edə bilər. Həşəratlarla rastlaşdığınız yerlərə bir az istiot səpin.
Bitkilərinizi qoruyur
Bağçanıza əkdiyiniz çiçək və tərəvəzlərin həşəratlar tərəfindən yeyilməsindən narahatsınızsa, istiotla unu qarışdırıb bağınıza səpin.
Ayaqları isidir
Buz kimi ayaqlarınızı isidə bilmirsinizsə, bir az istiot səpib corab geyinin. İstiot bütün gecə ayaqlarınızın isti qalmasını təmin edəcək.
Dəri problemlərini aradan qaldırır
İstiot və saf yağ qarışımı eqzema və qaşıntı kimi dəri problemlərini aradan qaldırmaqda təsirlidir. Sızanaqlardan qurtulmaq üçün bütöv istiot dənələrini suyun içində əzdikdən sonra sızanaqlara sürtə bilərsiniz.
Qəbizliyə faydası var
Suya bir az istiot və bal əlavə etdikdən sonra qarışdırıb için. Qəbizlik və ya həzmsizlik kimi problemləriniz varsa, bu qarışım sizi rahatlaşdıracaq. Həmçinin bədəninizdən toksinlərin atılmasını təmin edəcək.
Soyuqdəyməyə kömək edir
Yüz illərdir elm adamları soyuqdəymə müalicəsində istiotun təsirli olduğunu söyləyirlər. Qaynayan suya bir az istiot əlavə edib içsəniz, soyuqdəymənizi aradan götürəcək.
Ağız təmizliyində təsirlidir
Ağız qoxusundan qurtulmaq üçün yarım çay qaşığı duz və bir çimdik istiotu ilıq suya töküb, bu su ilə qarqara edin. Boğaz ağrısı varsa, bir çimdik istiot və yarım çay qaşığı duzu əzilmiş bir diş sarımsaqla birlikdə ilıq suya atın və qarqara edib tüpürün.
Baş ağrısını aradan qaldırır
İstiotu bir neçə damcı zeytun yağı ilə qarışdırıb gicgahınıza sürtsəniz, təzyiqinizi salmağa kömək edəcək. Həmçinin tıxanıqlığı, açaraq allergiya ilə əlaqədar olan baş ağrısını aradan qaldıracaq.
