Albaniyanın paytaxtı olan Tirananın tarixi təməli XVII əsrin əvvəllərində Osman hökmdarı Süleyman Paşa tərəfindən qoyulmuş məscid və hamamdan başlayır. Həmin mühüm məqamdan 400 il ötəndən sonra Tirana görkəmli türk tikililəri, italyan və ağır sovet memarlığı ilə genişlənib yetərincə müasir bir şəhərə çevrilə bildi. Indi o, turistlərə tarixi abidələrlə yanaşı maraqlı gecə həyatı, gözəl restoranlar və digər məkanları ilə istirahət bəxş edir. Hətta darıxdırıcı yerli raykom binaları şən rənglərə boyanıb: narıncı-qırmızı zolaqlar və çəhrayı-bənövşəyi dairələr bu binaların rəng palitrasını təşkil edir. Bu şəhər haqda danışmağımız heç də səbəbsiz deyil. Məsələ burasındadır ki, “FotoTURist”-in budəfəki şəhəri Albaniyanın paytaxtı Tirana şəhəridir.
(Fotolar Səbuhi Məmmədovundur)
