Həftənin ilk iş günü bitir. Yorğunsunuz və həm də evdə dadlı yemək yeyib, istirahət etmək istəyirsiniz. O zaman gözəl yemək ziyafəti yaşamaq istyərsinizsə, “Gencaile.az” saytının “Yeməyə nə var” rubrikasının təqdim etdiyi ləzzətli və asan reseptlə bunu edə bilərsiniz.
İçindəkilər
Toyuq filesi – 1 kq
Kolbasa- 150 qr
Qırmızı dolmalıq bibər – 1 ədəd
Sarı dolmalıq bibər – 1 ədəd
Yumurta – 1 ədəd
Döyülmüş qarğıdalı unu
Qızartmaq üçün bitki yağı
Hazırlanması
Toyuq filelərini duz və qara istiot ilə qarışdırmaq lazımdır. Hər filenin içərisinə xırda kub şəklində doğranmış kolbasa, nazik uzun doğranmış (jülyen doğranmış) qırmızı və sarı bibərləri əlavə edib rulet şəklində büküb mətbəx çöpləri ilə bərkit. Bükülmüş fileləri birinci yumurtaya sonra isə buğda ununa batır. Və qızdırılmış qaynar yağlı tavada qızardıb servis et.
Nuş olsun!
