Biz hər il Yeni İlin şans və xoşbəxtlik gətirəcəyini arzu edirik. Astroloqlar əmindirlər ki, Yeni İli keçirəcəyiniz geyimdən, hətta onun rəngindən də çox şey asılıdır. Üstəlik, hər bir bürcə şans gətirən rənglər tamam fərqlənir. Odur ki, biz hətta inadkar skeptiklərə ulduzların tövsiyələrini dinləməyi məsləhət görürük, ən azından bu, sizə məclisdə dəbli görünəcəyinizə dair zəmanət verəcək.

Beləliklə, astroloqların bürclərə uğur gətirəcəyini iddia etdiyi rənglərlə tanış edirik.

Qoç

Bu Yeni ildə Qoç mütləq açıq çalarlarda paltar geyinməlidir. Astroloqların fikrincə, zərif boz-mavi rəng ən uğurlu seçim olacaq. Parlaq dekorlarla bəzədilmiş material seçə, yaxud da obrazı həcmli və gümüşlə tamamlaya bilərsiniz.

Buğa

Bu il ulduzlar Buğa bürcünə kifayət qədər geniş rəng seçimi təqdim edir: qəhvəyi, süd, krem və zeytun çalarlarında olan paltarlar eyni dərəcədə uğur və xoşbəxtlik gətirəcək. Yumşaq material, axıcı parçalar, drapelər və təmkinli bəzəklər bu bürcün nümayəndələri üçün mükəmməl Yeni İl obrazının əsas xüsusiyyətləridir.

Əkizlər

Əkizlərə isə əksinə, astroloqlar mümkün qədər parlaq geyinməyi məsləhət görürlər: narıncı və sarının şən çalarlarına müraciət edə bilərsiniz. Midi və ya maksi uzunluqda paltarları seçməlisiniz. Manikürdə də sizə şans gətirən parlaq rənglərə üstünlük verməyi unutmayın.

Xərçəng

Ağ, bej, qum və mavi rəngli paltarlar yeni ildə Xərçəng bürcünə şans gətirəcək. Bu, sərt futlyar, volanlarla işlənmiş mini don və ya minimalist trapez paltar ola bilər. Üstəlik, paltar axtararkən astroloqlar vintaj mağazasına və ya sadəcə olaraq şkafınızın ən ucqar küncünə getməyi məsləhət görürlər. Yaxşı olardı ki, Yeni İl ərəfəsində tarixi bir kostyum geyinəsiniz.

Şir

Şirlərin diqqət mərkəzində qalmaları vacibdir və Yeni İl ərəfəsində qızılı rəngli paltar onlara bunu etməyə kömək edəcək. Düz kəsimli paltar, kostyum və ya kombinezon seçməlisiniz. Aksessuarları da unutmayın: onlar böyük, lakin lakonik olmalıdırlar.

Qız

Qızlar üçün şanslı rəng yaşıl olacaq. Astroloqlar nəcib materiallardan – ipək, məxmər və ya atlazdan hazırlanmış paltarlara və maksi ətəklərə üstünlük verməyi tövsiyə edirlər. Səliqəli bəzəkləri seçməlisiniz: görünüşünüz çox parlaq olmamalıdır.

Tərəzi

Yeni il ərəfəsində Tərəzilər çəhrayı və mavi və ya bej zərif çalarlarında geyinməlidirlər. Görünüş zərif, eyni zamanda rahat olmalıdır: məsələn, yüngül parçadan hazırlanmış midi və ya maksi paltar və sabit dabanlı ayaqqabılar. Geyiminizi böyük zərgərlik ilə tamamlamalısınız: daş-qaşsız həcmli sırğalar ən yaxşısıdır.

Əqrəb

Ulduzlar Əqrəblərə bir neçə seçim təklif edir: parlaq rənglərin pərəstişkarları narıncı və kirəmit çalarlarında, minimalizmi sevənlər isə qara rəngdə geyinə bilərlər. Üslublar və fakturaları sınaqdan keçirməyə qorxmayın: şəffaf parçalardan hazırlanmış əşyalara xüsusi diqqət yetirməyi təklif edirik. Bu, sizə mistik tərəflərinizi vurğulamağa və seksuallığınızı nümayiş etdirməyə kömək edəcək.

Oxatan

Boz, mavi və bənövşəyi çalarlar yeni ildə Oxatanlara xoşbəxtlik gətirəcək. Üstəlik, paltar rahat olmalıdır: bu, boş ziyafət libası, hətta cins şalvar və cəlbedici korset ilə romantik bluz da ola bilər.

Oğlaq

Oğlaqlar Yeni İl ərəfəsində parlaq rənglərdən qaçmalıdır. Kül, polad və ya qum rəngli obrazlar yaratmağa çalışın. Məsələn, uzun yarığı olan minimalist tərzdə gümüşü və ya qum rəngində bir libas. Alçaq dabanlı və ya ümumiyyətlə dabanı olmayan ayaqqabıları seçmək tövsiyə olunur.

Dolça

Astroloqlar Dolçalara ağ və ya mavi rəngdə geyinməyi tövsiyə edir. Qeyri-adi kəsim, mürəkkəb bəzəklər və böyük zərgərlik əşyaları ideal bayram kombinin əsas komponentləridir. Qiymətli metallardan daha çox gümüşə üstünlük verin.

Balıq

Yeni il ərəfəsində Balıqların şanslı rəngi tünd yaşıl olacaq. Rəng dolğun olmalıdır – pastel rənglər nəzərdə tutulan uğuru gətirməyə bilər. Böyük daşlar və ya çox parlaq ddekorları olmayan səliqəli zərgərlik nümunələri seçin.