Ürək çatışmazlığının inkişafından necə şübhələnmək olar? Onu ən çox nə inkişaf etdirir? Ürək çatışmazlığından qorunmaq üçün nə etmək lazımdır? Bu sualları Aleksandr Myasnikov “Rusiya” telekanalında yayımlanan “Ən vacibi haqqında” verilişində cavablandırıb.
Ürək xərçənginin onkologiya ilə heç bir əlaqəsi olmasa da, bir çox həkimlərin ürək çatışmazlığı adlandırdığı xəstəlikdir. Ancaq xərçəng kimi, ilkin mərhələdə ürək çatışmazlığı demək olar ki, asimptomatik olaraq inkişaf edir. Ürək qanı getdikcə daha pis pompalayır. Adam ölüm təhlükəsi ilə üz-üzə qalır.
Bəs ürək çatışmazlığının “təhlükəli xəbərçiləri” hansılardır?
Tez yorulmaq, nəfəs darlığı, aşağı ətrafların ödemi, gecələr boğulmaq, sidik miqdarının azalması, kökəlmək.
“Bunlar inkişaf etmiş, ağır ürək çatışmazlığının əlamətləridir. Əgər bu simptomları gözləsəniz, çox gec olar!”, – deyə doktor Myasnikov bildirib.
Həkimin izah etdiyi kimi, kardioloqların Amerika təsnifatına görə ürək çatışmazlığının birinci mərhələsi ürəkdə struktur dəyişiklikləri olmadıqda ürək çatışmazlığı üçün risk faktorlarıdır.
Ürək çatışmazlığı üçün risk faktorları: siqaret çəkmək, artıq çəki, arterial hipertenziya, yüksək qan şəkəri, böyrək xəstəlikləri, böyrək çatışmazlığı hesab olunur.
“Ürək çatışmazlığının ikinci mərhələsində də yenə demək olar ki, heç bir simptom olmur və simptomlar görünəndə üçüncü mərhələ başlamış olur”,-deyə həkim bildirib.
Nubar Süleymanova
