Uğurlu övlad yetişdirmək hər bir valideynin arzusudur.Hər bir valideyn öz övladına bir şəxsiyyət kimi yanaşmalı ,hörmətlə rəftar etməli və övladı ilə dost olmağı bacarmalı. Psixoloqlar valideynlərin təsirini yüksək qiymətləndirir. Uşaqlarını gələcəkdə uğurlu görmək istəyən valideynlərə “Gencaile.az” saytının daimi eksperti, PRİM – “Psixososial Reabilitasiya və İnkişaf Mərkəzi”nin direktoru, psixoloq M.Almara Ağaqızının məsləhətini təqdim edirik:
Uşaqlardan ev işlərində sizə kömək etməsini xahiş edin
Valideynlər arasında geniş yayılan səhv düşüncələrdən biri: “Zamanı gələndə onsuz da özü edəcək” fikridir. Qarşılıqlı olaraq, bu yanlış düşüncə uşaqlarda “Onsuz da mənim yerimə işlərimi edən var”, əks təsir yaradır.
Övladlarınızın sosiallaşmasına şərait yaradın
Həyat ünsiyyət üzərində qurulur. Araşdırmalar nəticəsində məlum olub ki, sosial bacarıqları yüksək olan uşaqlar ünsiyyətdə çətinlik çəkmirlər. Bu da onların gələcək həyatlarında uğur qazanmalarına yardım edir.
Sərbəst və qadağa üsulunu yox, istiqamətləndirməni seçin
Uşaq tərbiyəsində üç mühüm ana xətt var: sərbəst buraxmaq, qadağalı tərbiyə və istiqamətləndirmə. Sərbəst üsulla böyüdülən uşaqlar hər zaman hər şey edə biləcəklərini düşünürlər. Uşağa doğru seçimi etmək üçün seçiminin mənfəətini və ya ziyanını geniş izah edin.Qadağalar onlarda özünə inam problemi yaradır.
Ailə münasibətlərinizə diqqət göstərin
Araşdırmalara görə, problemli ailələrdə böyüyən uşaqlar pis vərdişlərə meyilli olurlar. Ayrılan valideynlərin övladları, problemli ailələrin uşaqlarından daha uğurlu olub.
Riyaziyyatla tez tanış edin
Psixoloqlar valideynlərə övladlarını bacardıqları qədər riyaziyyatla tez tanış etməyi tövsiyyə edir. Bu tanışlıq onların məktəb, universitet və həyatda uğurlu olmalarına dəstək olacaq.
