“Uşaqlarda televizor və kompüter haqqında düzgün olmayan məlumatları məhz valideynlər yaradır”. Bu sözləri psixoloq Sevinc Baxışova deyir. Mütəxəssis bildirir ki, uşaqlar buna əyləncə vasitəsi kimi baxırlar:
“Uşaqlar musiqilərlə sakitləşir, qorxulu cizgi filmləri ilə başlarını qatırlar. Valideynlər isə buna nəzarət etməyərək öz işlərini görürlər. Ancaq onlar uşaqlarının internet və televizordan düzgün istifadə etməsinə nəzarət etməlidirlər. İlk olaraq başa düşülməlidir ki, uşaqlarda bu asılılığın qarşısını almaq asandır, amma onları yaranan problemlərdən müalicə etmək isə asan deyil”.
Psixoloq son olaraq əlavə edir ki, valideynlərin bu hərəkətləri vəziyyəti çıxılmaz hala gətirir. Onun sözlırinə görə, uşaqlarda bu asılılıqların qarşısını almaq üçün ilk olaraq həm analar, həm də atalar övladları ilə daha çox ünsiyyətdə olmalı, onlarla vaxt keçirməlidirlər. (“Lent.az”)
