ESET kiber təhlükəsizlik mütəxəssisi Cek Mur məşhur WhatsApp messencerinin təhlükələrindən bəhs edib.
“Gencaile.az” saytının xarici mediaya istinadla verdiyi xəbərə görə, o, mesajlaşma tətbiqinizi dələduzlardan və hakerlərdən qorumağın yollarını da açıqlayıb.
Mur istifadəçiləri VPN istifadə etmədən smartfonlarında bilinməyən Wi-Fi şəbəkələrinə qoşulmaqdan çəkindirir. Çünki bu vəziyyətdə hakerlər telefonun unikal MAC ünvanını öyrənə və qurbanın məlumatlarını əldə etmək üçün istifadə edə bilərlər.
Ekspert WhatsApp tətbiqetməsini yalnız etibarlı mənbələrdən – rəsmi App Store və ya Google Play-dən yükləməyə çağırıb.
Məlumatların qorunması üçün ən vacib kriteriyalardan biri kimi Mur iki mərhələli identifikasiya əlaqəsini adlandırıb – prosedur yalnız altı rəqəmli PİN koddan istifadə edərək bir tətbiqetməni aktivləşdirməyə imkan verir.
Bu funksiyanı aktivləşdirmək üçün parametrlərə keçməlisiniz, “Hesab” maddəsini seçin və “İki mərhələli yoxlama ” düyməsini basın.
İki mərhələli yoxlamanı aktivləşdirdikdən sonra, hakerlərin tətbiqi sındırması daha çətin olacaq, çünki qurbanın nömrəsini təsdiqləmək üçün şifrəni tapmaq məcburiyyətində qalacaqlar.
WhatsApp istifadəçisi bir dostundan şübhəli bir mesaj alarsa, Mur həmin şəxsə zəng vurub qəribə mesaj göndərib-göndərmədiyini və tətbiqi üzərində nəzarət edib-etmədiyini soruşmağı məsləhət görür.
