Makiyajsız gözəl görünmək hər bir xanımın istəyidir. Beləliklə, qadınlara makiyajsız gözəl görünməyin sirlərini təqdim edirik:
Dərinizin gözəl və sağlam görünüşü üçün yatın
Makiyajsız da gözəl görünmək istəyən qadın yuxusuzluqdan əziyyət çəkməməlidir. Gündə 8 saat yatmaqla gözlərinizdəki tünd halqaları və şişkinliyi aradan qaldırmaq olar.
Soyuq suyun faydasını unutmayın
Soyuq su dəridə möhkəmləndirici və nəmləndirici təsir göstərir. Eyni zamanda göz ətrafınızdakı tünd ləkələrin və şişkinliklərin azalmasına kömək edir. Bundan əlavə, soyuq su ilə üzünüzü yuduqda günə daha enerjili və canlı başla bilərsiniz.
Həftədə bir dəfə də olsa nəmləndirici kremlərdən istifadə edin
Makiyajsız gözəl görünmək üçün dəriniz sağlam olmalıdır. Üzünüzü toniklə təmizləməli, həftədə ən azı bir dəfə nəmləndirici kremdən istifadə etməlisiniz. Bunu etməsəniz, dəridəki məsamələriniz ləkə ilə tıxanacaq və dərinizin nəfəs ala bilməyəcək.
Su dərinizin ən vacib qida mənbəyidir
Su içmək dərinizi nəmləndirir və yumşaq edir. Su içdiyiniz zaman orqanizm zərərli toksinlərdən azad olur.
Qış aylarında da günəş kremlərindən istifadə edin
Yay, qış demədən günəş kremlərindən istifadə edin. Günəşin zərərli təsirləri dərinizi qocaldır. Günəş eynəyi və qoruyucu kremlərdən istifadə etməklə, gözətrafı qırışların əmələ gəlməsinin qarşısını alacaqsıznız.
Qaş və kirpiklərinizə diqqət etməyi unutmayın
Makiyajsız gözəl görünmək üçün qaş və kirpiklərinizə də dərinizə qədər qulluq etməlisiniz. Kirpik qıvrımı ilə təbii cəlbedici görünüşləri tuşsuz çəkə bilərsiniz. Qaşlarınızın həmişə baxımlı və üz şəklinizə görə forma verilməsinə əmin olmalısınız.
Saçlarınızın baxımlılığı ilə gözəlliyiniz tamamlanacaq
Bir qadının gözəlliyi saçları ilə tamamlanır. Bunun üçün dəriyə göstərdiyiniz qulluğu saçınıza da göstərərək makiyajsız möhtəşəm bir görünüşə sahib ola bilərsiniz.
