Çox vaxt mətbəxdə qazın üzərində və ya sobada unutduğumuz yeməyin yanıq qoxusu hər kəsi narahat edir. Evin bütün məkanlarına yayılan bu qoxunu sadə üsullarla aradan qaldırmaq mümkündür.
Beləliklə, həmin üsulları təqdim edirik:
Əvvəlcə yanan yemək soyuduqdan sonra çöp qutusuna deyil, çölə çıxartmaq lazımdır.
Limonlu su
Bir qabda su qaynatdıqdan sonra üzərinə limon dilimləri və mixənk əlavə edin. Evini havasını dəyişdikdən 10-30 dəqiqə sonra yanıq qoxusunun yox olacağını hiss edəcəksiniz.
Soğanlı su
Su dolu qabın içərisinə soğanı dilimləyib, mətbəxdə masanın üzərinə yerləşdirin. Əgər evin digər otaqların da yanıq qoxusu gəlirsə, soğanlı suyu həmin məkanlara da yerləşdirə bilərsiniz.
Çörək və sirkə
Xoş olmayan qoxunu aradan qaldırmaq üçün çörək və sirkədən istifadə etmək olar. Su dolu qaba 2 stəkan sirkə əlavə edib, yavaş-yavaş qaynadın. Qabı masanın üzərinə yerləşdirdikdən sonra sirkəli suya çörək əlavə edin.
