Bel ağrısı son illərdə insanların çox sıx qarşılaşdığı problemlərdən biridir. Amma nüxtəlif səbəblərdən heç də hamı bu səbəbdən həkimə müraciət etmir, çünki bel ağrısını ev şəraitində aradan qaldırmaq üçün bir neçə sadə üsul var. Bəs görəsən, bu üsulalr hansılardır? Bu suala cavab tapmaq üçün MayoMed Medikal Fizioterapiya və Reabilitasiya Mərkəzinin təsisçisi və baş həkimi, terapevt, ailə həkimi Nərminə Abbasovaya müraciət etdik və mütəxəssis bu problemin ev şəraitində aradan qaldırılması üçün aşağıdakıları sadaladı:
İstirahət: Ağrı başladıqda bir müddət dinlənmək faydalıdır. Amma uzun müddətli yuxu da ağrını artırabilir, buna görə aktiv istirahət daha yaxşıdır.
İstilik və ya soyuq kompres: İlk 48 saat ərzində soyuq kompres (buz torbası) tətbiq etmək şişkinliyi azaldar. Sonra isə istilik (isti su torbası və ya isti dəsmal) tətbiq etmək rahatlıq verə bilər.
Günəş işığı: Belinizi isti günəş işığında saxlamaq da əhvalınızı yaxşılaşdıra bilər.
Hərəkət və uzanma: Yüngül uzanma və yürüş bel əzələlərini gücləndirə bilər. Özünüzü zorlamadan yavaş-yavaş hərəkət edin.
Müalicəvi bitkilər: Zəncəfil və ya kəklikotu çayı kimi bitkilər ağrıları azaltmağa kömək edə bilər.
Yemək vərdişləri: Omega-3 yağ turşuları (balıq, çia toxumu) və antioksidantlarla zəngin qidalar (meyvələr, tərəvəzlər) bel ağrısını yüngülləşdirə bilər.
Duruş: Duruşunuza diqqət yetirin. Uzun müddət oturarkən düzgün oturun, belinizi dəstəkləyin.
Meditasiya və nəfəs məşqləri: Stressi azaltmaq bel ağrısını yüngülləşdirə bilər.
Əgər ağrı davam edərsə və ya artarsa, mütləq həkimə müraciət edin!
