D vitamin ehtiyacımızı günəş sayəsində ödəyirik. Bəs günəş şüalarından qorunmaq üçün istifadə etdiyimiz kremi çəkəndə günəşdən faydalana bilirikmi?
Türk dermatoloqları hesab edir ki, günəşdən qoruyan krem D vitaminin sintezinə kifayət edəcək qədər günəş şüasının dəriyə keçməsinə icazə verir.
İlk növbədə sümük sağlamlığı üçün faydalı olan D vitamini immunitet sisteminin yaxşı çalışması, əzələ, dəri sağlığı və beyin inkişafında da mühüm rol oynayır.
Günəşlənməklə gündəlik D vitamini ehtiyacının yüzdə 90-95%-i qarşılaya bilərik. Geri qalan miqdarını isə qida qaynaqlarından alırıq.
Yay aylarında əllər, qollar və üzün həftədə 3 gün günorta saatlarında 15-30 dəqiqə günəş işığına məruz qalması gündəlik D vitamini ehtiyacını qarşılayır. Gün ortasında qısa müddət günəş altında qalmaqla da D vitamin sintezi edilə bilər.
Günəşdən qoruyan bu kremlər heç bir dəri xərçənginə səbəb olmaz, bayıra çıxmadan yarım saat əvvəldən vurulmalı və bir neçə saatdan bir yenilənməlidir.
