Bəzən səhv etdiyinizi bilsəniz də, dəyər verdiyiniz bir münasibətin sonu sizi incidir. Xüsusilə ayrılıq sizin qərarınızla deyilsə, bu, daha da məyus edici ola bilər. Bu vəziyyətdə zaman-zaman siz də özünüzü günahlandırırsınız. Ancaq yenə də onu sevirsinizsə, bu, çox da obyektiv deyil. Bəs niyə keçmiş sevgilini unutmaq bəzən çətin olur?
Beləliklə, xarici mediaya istinadən buna səbəb olan 5 yanlış hərəkəti təqdim edirik:
Yalnız hiss etmək
Keçmiş sevgilinizi unuda bilməməyinizin səbəbi, hazırda özünüzü tək hiss etməyinizlə əlaqəlidir. Ancaq bu, dərhal yeni bir sevgiyə yelkən açmağınız mənasına gəlmir, əksinə, diqqətinizi özünüzə yönəltməyiniz lazım olduğunu göstərir. Unutmayın, sizin üçün yaxşı olmayan bir münasibətdə olmaqdansa, subay olmaq daha yaxşıdır.
Etibarın itirilməsi
Əgər qeyri-sağlam bir münasibətdən çıxmısınızsa, özünüzə inamınız birlikdə olduğunuz zaman sarsılmış ola bilər. Özünüzü pis hiss edən zaman sevgilinizin sizə olan dəstəyinə alışmış ola bilərsiniz. Ayrıldıqdan sonra əldən verdiyiniz şey təsdiq ehtiyacıdır. Buna görə də, öz-özünə kifayət etməklə doğrulama ehtiyacınızı qarşılamalısınız.
Sosial mediadan izləmə
Münasibətiniz bitibsə, keçmişinizi unutmaq üçün edə biləcəyiniz ilk addım bir-birinizin sosial media hesablarını izləməkdən çıxmaqdır. Çünki ağlınızdan çıxara bilmədiyiniz keçmiş sevgilinizlə hər hansı bir ünsiyyət keçmişlə bağlı xatirələri və hətta gələcəyə dair xəyalları tətikləyəcək.
Ağlınıza gələn gözəl zamanlar
Münasibətiniz bitdikdən sonra ağlınıza gələn ilk şey keçirdiyiniz gözəl günlər olacaq. Bu çox təbii bir hal olsa da, obyektiv olub ayrılığı qiymətləndirəndə hər şeyin düşündüyünüz qədər asan olmadığını anlayacaqsınız.
Ünsiyyətə davam etmək
Ayrıldıqdan sonra da keçmiş sevgilinizlə əlaqə saxlasanız həyatınıza davam etməkdə çətinlik çəkəcəksiniz. Eyni dost dairəniz varsa və ya eyni iş yerindəsinizsə, hamısını bir anda kəsmək mümkün olmasa da, onu qismən məhdudlaşdırın. Çünki bu prosesdə hiss etdiyiniz boşluq hissi müvəqqətidir.
