“Gencaile.az” saytının “Yabancı dad” rubrikasında bu dəfə oxucularımıza özbək aşının hazırlanma qaydasını təqdim edəcəyik.
İnqrediyentlər
½ qaşıq bitki yağı
2 x.q. adi yağ
2 ədəd soğan
5 ədəd kök
400 qram quşbaşı quzu əti
3 stəkan düyü
2 baş sarımsaq
4.5 stəkan isti su
duz
Hazırlanma mərhələsi
Bitki yağı ilə adi yağ qazanda əridilir. Nazik yarımhalqa doğranmış soğanlar bura əlavə edilir və azca karamelizə oluncaya qədər qovrulur. Quşbaşı ətlər qazana tökülür, suyu çəkilənə qədər qovrulur. Ətlər suyunu çəkib qovrulduqdan sonra sürtgəcdən keçirilmiş köklər üzərinə tökülür, qarışdırılır. Köklər yumşalanda düyü tökülür və 3 dəqiqə qovrulur. Su, duz və istiot da tökülür, 2 baş sarımsaq pilovun ortasına qoyulur, astaca basılır aşağı və qazanın qapağı örtülür. 5 dəqiqə çox odda, 10 dəqiqə az odda bişdikdən sonra servis edilir. Nuş olsun!
Təqdim etdi: Aydan Kərimli
