“Gencaile.az” saytının “Yeməyə nə var?” rubrikasında bu dəfə sizə qabırğa dolmasının hazırlanmasından bəhs edəcəyik.
Tərkibi:
500 qram üst pərdəsi alınmamış qabırğa (istədiyiniz böyüklükdə)
1 xörək qaşığı kərə yağı
1 su stəkanı düyü
Bir yarım su stəkanı su
1 dəstə cəfəri
50 qram qaynadılmış və qovrulmuş badam, duz
Hazırlanması:
Əvvəlcə iç plovu hazırlayın. Bunun üçün, kərə yağını qazana qoyub əridin. Yuyulub suyu süzülmüş düyünü, badamı və duzu əlavə edin. 1-2 dəqiqə qovurub, bir yarım su stəkanı su əlavə edin. Qazanın qapağını örtüb az odda plov suyunu çəkənə qədər bişirin. Daha sonra qazanı oddan götürüb, plovun üzərinə az doğranmış cəfəri səpin. Qabırğanın qol qisimi ilə arasındakı boşluğa iç plovu doldurub tikin. Buxarlı qazanda ya da benmari üsulu 6-8 saat bişirib servis edin.
Nuş olsun!
Təqdim etdi: Məsudə Sultan
