Tanınmış televiziya və radio aparıcısı Rəhman Rəsulov ailə həyatı qurub.
Toy mərasimi mayın 22-də Sumqayıtda yerləşən şadlıq saraylarının birində baş tutub.
“Burç” FM-nin aparıcısı olan Rəhman Rəsulov Nərmin Babayeva adlı xanımla ailə həyatı qurub.
Aparıcısı Murad Arif olan mərasimdə bəyin ailəsi, qohumları ilə yanaşı, dostları və media nümayəndələri iştirak edib.
Qeyd edək ki, Rəhman Rəsulov uzun illərdir ki, media sahəsində çalışır.
R. Rəsulov “Dünya” TV-də, “Lider” TV-də və “Antenn” FM-də müxtəlif verilişlərin aparıcısı olub.
O, hazırda “Burç” FM-də fəaliyyətini davam etdirir.
