ABŞ ərazisində 159 şöbəsi olan “BJ’s Restaurant & Brewhouse” restoranı menyusuna daxil etdiyi yeni bir yeməyi reklam etmək üçün maraqlı bir üsula baş vurub. Restoran rəhbərliyi elan verib ki, menyusuna “Quinoa” adlı yemək əlavə edib və bu adı uşağına qoyan ilk cütlüyə 10 min dollar mükafat verəcək. Qalib gələn cütlüyü müəyyənləşdirmək üçün şirkət uşağın doğum şəhadətnaməsini və valideynlərinin də sənədlərini tələb edir.
.
Şirkətin daha bir aksiyası isə sosial şəbəkədə başlanıb. Onlar facebookda adını “Quinoa” olaraq dəyişən insanlara da 10 dollarlıq çek verirlər. Artıq kampaniya xeyli diqqət çəkib. Şirkət rəsmiləri bildirib ki, Amerikada bu adda uşaq yoxdur və bu kampaniya yeni bir dəbin başlanmasına səbəb olacaq.
