Dərimiz mövsüm keçidlərindən olduqca çox təsirlənir. Yaz aylarının gəlməsi ilə havada uçuşan polen çiçəkləri dəridə allergik reaksiyaya səbəb ola bilər. Dərinin qabıqlaması, qızartılar meydana gəlir. Dəridəki bu dəyişikliklərin səbəbi sadəcə yaz aylarının gəlməsi, fəsil dəyişikliyi, günəşin təsirləri, ya da qidalanmadır.

Yazda dəri fərqli allergik reaksiyalar göstərə bilər. Qan dövranı sürətlənməyə başladığında bədəndə hormonal dəyişikliklər yaranır və dəri həssaslaşır. Yaz aylarında bir çox adam fərqli dəri problemləri yaşaya bilir: qızartı, qabıqlamalar, sızanaqların çoxalması və ya dəri ləkələnmələri.

Təbii ki, müəyyən vasitələrlə dəridəki bu problemlərin qarşısını almaq mümükündür. “Gencaile.az” Aile.lent.az-a istinadən bununla bağlı xanımlara bəzi məsləhətlər verir.

Fəsil keçidlərində dərini təmizləmək, canlandırmaq üçün kimyəvi pilinq tətbiq edə bilərsiniz. Qış fəslindən yeni çıxan dərimizin kirli hava səbəbindən nəmi azalır, solğun görünməyə başlayır. Kimyəvi pilinq quruyan dərini ölü təbəqələrdən ayırır və istifadə edilən nəmləndiricinin dəriyə hopmasını asanlaşdırır.

Təbii dəri pilinqi:

3 yemək qaşığı gil, 3 yemək qaşığı yulaf, 1 yemək qaşığı quru gül yarpağı, 1 yemək qaşığı quru lavanda yarpağı. Bütün bunları qabda qarışdırıb üzərinə isti su əlavə edin. Krem halına gələnəcən qarışdırın, üzünüzə sürtüb 20-25 dəqiqə gözlədikdən sonra dərinizi yuyun və nəmləndirici krem vurun.

Yaz aylarında günəşin təsirləri də artmağa başlayır. Dəri ləkələrinin qarşısını almaq üçün günəşdən qoruyucu kremlər istifadə edin.

Yaz aylarında dərinizi nəmləndirmək üçün daha az yağlı, su tərkibli nəmləndirici kremlər istifadə edin. Yağ tərkibi çox olan kremlər dəridə sızanaq yaranmasına səbəb olur.

Dermokosmetik vasitələr dəri yaşlanmasını gecikdirən məhsullardır. Antioksidan tərkibli bu məhsullar dərinin daha dərin təbəqəsinə kimi gedir. Dəri tipinizə uyğun vəsaitlər istifadə edin. Yağlı dəriniz varsa, çox yağ tərkibli krem istifadə etməyin.

Parlaq və işıltılı bir dəri baxımı, təmizliyi, dərinin nəmləndirilməsi ilə yanaşı, düzgün və sağlam qidalanaraq da dərinin daha sağlam və parıltılı olmasına dəstək ola bilərsiniz.

Meyvə və tərəvəz, soğan, yaşıllıq, kök, sarımsaq kimi dəriyə canlılıq verən qidalar yeyin.

Həm bədən, həm də dəri üçün gündə 2 litr yarım su için.

Sağlam və parıldayan bir dəri üçün siqaret və spirtli içkidən uzaq durun. Özəlliklə siqaret dərinin gərginliyini azaldır və sallanmasına səbəb olur. Ətrafınızda siqaret çəkənlərin dərisinə diqqət etsəniz, necə solğun, canlılığını itirmiş vəziyyətdə olduğunu görəcəksiniz. Eyni zamanda spirtli içki qəbulu da dəri nəminin itməsinə və qırışmasına səbəb olur.

Bahar aylarının gəlməsi ilə birgə bahar yorğunluğu, ya da bahar depressiyası yaşanır. Belə olan halda isə həmin insan normal yuxu yatmadığından şikayət edir. Bu yuxu problemi də insanın dərisinə mənfi təsir edir. Buna görə yaxşı yuxu dəri üçün çox vacibdir.

Makiyajla yatmayın

Makiyaj dəridəki yağı, kiri həbs edir. Dərinin hava almasına icazə vermir. Gecə makiyajı təmizləmədən yatsanız, makiyaj dəridəki məsamələri tutur, dəri nəmini azaldır və dərinin tez qırışmasına səbəb olur.

Stressdən uzaq durun

Əsəbiləşərkən yaşanan dartılmalar çiyin, boyun, üz bölgəsində olur. Dartılmaların ardından da dəridə qırışlar yaranır. Qırışlar əleyhinə üz üçün gülmə hərəkətini edin.

Qaynar suyla çimməyin

Hər birimiz isti su ilə çimməyi xoşlayırıq. Su nə qədər isti olarsa, dəridəki təbii yağ nisbəti o qədər çox azalacaq.

Dərinin yumşaq olması üçün nəmə ehtiyacı var. Ancaq isti su ilə çimmək, dəsmalla çox qurulanmaq, kimyəvi məhsullar, siqaret istifadəsi dərini qurudur.

Quru dərilər üçün maskalar:

Avokado maskası

Yarım avokado

1 çay qaşığı bal

Əvvəlcə avokadonu çəngəllə əzin. Sonra balla birlikdə qarışdırın. Bu qarışımı üzünüzə sürtüb 10 dəqiqə saxlayın və üzünüzü ilıq su ilə yuyun.

Dəriniz çox qurudursa, həftədə iki dəfə edin.

Yulaf kəpəyi maskası

Bu maska həm qırış yaranmasının qarşısını alır, həm də məsamələri təmizləyir.

1 yemək qaşığı yulaf kəpəyi, yulaf əzməsi də ola bilər, 1 yemək qaşığı qatıq, 2 çay qaşığı bal, 1 çay qaşığı zeytun yağını bir qabda yaxşı qarışdırın. Maskanı üzünüzə, boynunuza sürtdükdən sonra 10-15 dəqiqə gözləyib bol su ilə durulayın.

Quru dərilər üçün qəhvə maskası

Qəhvənin dərini yumşaldan, parlaqlıq verən təsiri var.

Qəhvə maskası üçün 2 çay qaşığı qəhvə qalığına ehtiyac var. Maskanın yumşaldıcı təsirini artırmaq üçün içinə 2 çay qaşığı kakao, 3 çay qaşığı süd, 2 çay qaşığı bal da əlavə edə bilərsiniz.

Bütün bunları qarışdırıb barmaq ucları ilə masaj edərək göz və dodaq ətrafından başqa digər yerlərə sürtün. 10 dəqiqə gözləyib bol ilıq su ilə yuyun. Üzünüzü quruladıqdan sonra dəriyə nəmləndirici krem vurun.

Dərini nəmləndirən və qidalandıran yumurta maskası

Çox quru olduğu üçün dəriniz solğun, yorğun, xəstə görünürsə, bu maska sizin üçün idealdır. Maska üçün 1 yumurta sarısını 1 çay qaşığı bal, 2 çay qaşığı zeytun yağı ilə qarışdırın. Üzünüzə sürtdükdən sonra 15 dəqiqə gözləyin, soyuq suyla durulayın. Bu maska 3-4 dəfə istifadədən sonra dərinizin yumşaq və canlı görünməsini təmin edəcək.

Nəmləndirici banan maskası

Banan maskasının hazırlanması çox asandır. Yarım bananı əzdikdən sonra 2 çay qaşığı portağal suyu və 2 çay qaşığı qatıqla qarışdırın. Qarışımı üzünüzə çəkib 15 dəqiqə saxlayın. Maskanı ilıq su ilə təmizlədikdən sonra nəmləndirici sürtə bilərsiniz. Dərinizdəki quruluq azaldıqdan sonra həftədə 2, daha sonra 1 dəfə bu maskadan yararlana bilərsiniz.