“Gencaile.az” saytının hər həftənin bazar ertəsi oxucularına təqdim etdiyi “Yeməyə nə var?” rubrikasında bu gün sizə yumurtalı gözləmənin hazırlanmasından bəhs edəcəyik.
Yumurtalı gözləmə üçün lazım olan ərzaqlar
2 ədəd Millidad lavaş
3 ədəd yumurta
kərə yağı
Holland pendiri
duz
qırmızı bibər
istiot
Yumurtalı gözləmə üçün ərzaqların yığılması
Yumurtalı gözləmə üçün istifadə edəcəyiniz Milli dad lavaşını bir qaba alın. İstifadə edəcəyiniz yumurtanı yuyub bir kasaya alın. Gözləmə üçün lazım olan pul bibər, duz, istiotu ayrı-ayrı kasalara yığın. Yumurtalı gözləmə üçün istifadə edəcəyiniz holland pendirini də bir kasaya alıın. Yumurtalı gözləməni bişirmək üçün istifadə edəcəyiniz kərə yağını bir kasaya yığın.
Yumurtalı gözləmə üçün ərzaqların hazırlanması
Yumurtaları bir qabın içərisində sındırın.Yumurtaların üzərinə pul bibəri və istiotu da əlavə edib yaxşıca çırpın. Çalışın istiot və pul bibər topaclanmasın. Holland pendirini rəndələyin. Holland pendirini də yumurtanın üzərinə əlavə edərək çırpın. Tavanın altını azca kərə yağı ilə yağlayın. Sonra tavanın içərisinə 2 ədəd Millidad lavaşını sərin.
Yumurtalı gözləmənin bişirilmə qaydası
Hazırlamış olduğunuz yumurtalı qarışımı yuxanın üzərinə bərabər olaraq yayın. Yuxanın hər tərəfinə yumurtalı qarışımı yaydıqdan sonra üzərinə yenə də Millidad lavaşından qoyun. Ocağın altını yandırın. Tavanı ocağın üzərinə yerləşdirin. İşləm sona yetdikdən sonra tavanın qapağını qapadaraq vam odda bişməyə qoyun. Bir üzü bişdikdən sonra bişməsi üçün o biri üzünə çevirin. Hər iki üzü bişdikdən sonra tavadan çıxardın və üçkünc formasında dilimləyin.
Yumurtalı gözləmənin servis edilmə qaydası
Zövqünüzə uyğun olaraq ayranla birlikdə isti-isti servis edin.
Nuş olsun!
Təqdim etdi: Məsudə Sultan
