kufte

Bulqurlu sulu küftə necə hazırlanır? – “YEMƏYƏ NƏ VAR?”

Baxış sayı: 2. 047

Evdə ləzzətli və fərqli yemək hazırlamağı bir çoxlarımız istəyirik. Qarşıdan da soyuq ayların gəlməsini nəzərə alaraq, “Gencaile.az” saytının “Yeməyə nə var?” rubrikası sizə sulu xörək reseptini təqdim edir.

 

Bulqurlu sulu küftə resepti

Lazım olanlar:  

500 qram qıyma

1 orta boy rəndələnmiş soğan

1,5 çay stəkanı yarma

2 xörək qaşığı bibər tomatı

1 xörək qaşığı pomidor tomatı

1 xörək qaşığı quru nanə

Qarğıdalı yağı

İstiot

Duz

 

Hazırlanması:

Qıymanı böyük bir kasanın içərisinə qoyub, üzərinə soğan, bulqur, bir az duz və istiot əlavə edib yoğurun. Yoğurma əsnasında ona bir az su əlavə etmək lazımdır, amma çox yox. Çünki yarma dağılmamalıdır. Yaxşıca yoğurduqdan sonra qarışımdan fındıq böyüklüyündə parçalar qoparıb, küftə kimi yumrulayın. Yanınızda kasada bir az su qoyun, ara-sıra əlinizi bu suya batıraraq daha asan yumrulayarsınız. Hamısını bitirdikdən sonra qazana yağı, bibər və pomidor tomatını töküb qovurun. Üzərinə təxminən 6 stəkan su və bir az daha duz əlavə edib qaynamasını gözləyin. Su qaynamağa başlayanda küftələri içərisinə atın. Küftələr bişəndə, ayrıca bir tavaya bir az yağ əlavə edib qızdırın və üzərinə nanə tökün. Daha sonra bu qarışımı yeməyinizin üzərinə gəzdirin və onu ocaqdan götürün. Xörək bişdikdə suyu sizə az gələrsə, bir az qaynamış su əlavə edə bilərsiniz.

Nuş olsun!




Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir