Dodaq boyası, tonal krem, dırnaq boyası, saç boyası… Bu ləkələrlə necə mübarizə aparaq?

Filmlərdə kişinin ağ rəngli köynəyinin yaxalığında olan dodaq boyası izi romantik görüşə işarə edir. Ancaq real həyatda geyimlərdəki kosmetika ləkələri sonda göz yaşlarına səbəb olur.

“Gencaile.az” geyimdəki kosmetika ləkələrini təmizləməyin üsulların təqdim edir.

Dırnaq boyasını təzə aldığınız cinsə yaxmısız, ya tonal kremi köynəyinizə batırmısınız? Dərhal sulu salfetlə işə müdaxilə etmək yerinə bir az durun, sonra işə sakit şəkildə başlayın.

Bir az tez hərəkət etmək lazımdır. Quru salfetlə ləkənin topa hissəsini götürün. Sonra ləkənin üzərinə duz, ya da uşaq pudrası səpin. Yağı yaxşı çəkir.

Geyimin ləkələnməsidən bir neçə saat keçibsə, plastik qaşıqla qurumuş üst təbəqəsini qaşıyıb götürün. Altına kağız salfet qoyaq arxa hissəsindən təmizləməyə çalışın.

Heç vaxt ləkəni ovuşdurmayın.

Ləkə təmizləyicisini geyimin materialına uyğun alın.

Geyimin rəngi solmasın deyə təmizləyicini birinci geyimin görünməyən hissəsinə vurun.  Peroksid və digər təmizləyiciləri birbaşa ləkənin üzərinə tökməyin. Diş fırçası, ya da yumşaq pambıqla yaxın.

Yağ tərkibli olmayan kosmetik vasitələrin ləkəsini təmizləmək üçün su və ammonyak duz qarışımından istifadə edin.

Tonal krem, dodaq boyası, kremli ənlik kimi yağ tərkibli kosmetik vasitələrin ləkələrini təmizləmək üçün saç, ya da qabyuyan şampundan istifadə edin. Ləkəni quru salfetlə siləndən sonra bu şampundan suya 1-2 damcı qatıb ləkənin üzərinə tökün. 5 dəqiqə sonra isti suyla yuyun.

Başqa üsulla ləkənin üzərinə saç lakı sıxın, 10 dəqiqə sonra təmiz parça, ya da fırça ilə silin.

Ya da ləkənin üzərinə soda əlavə edib bir neçə dəqiq sonra üzərinə isti su+limon qarışımı, ya da sirkə əlavə edib maşına atın.

3 %-lik hidrogen peroksid ağardıcı krem və narıncı piqmentləri olan digər ləkələrin təmizlənməsində xüsusi həll üsuludur.

Ənlik, ten, pudra ləkələrini yuyucu tozla nəmləndirin. 15 dəqiqə sonra yuyun.

Tuj və eyeliner ləkəsini təmizləmək üçün bu məhsullara uyğun satılan təmizləyici flakonunu yaxşıca çalxalayıb pambığa batırın, ləkəni silin, sonra yuyun.

Dırnaq boyası çantaya bulaşıbsa, onu da qurutduqdan sonra skoç üsulu ilə təmizləyin.

Saç boyasının ləkəsi ən çətin təmizlənən ləkələrdən biridir. Əgər hidrogen peroksid və ammonyak, ya da hidrogen peroksid və su qarışımı da sizə kömək etmirsə, saç boyası təmizləyicisindən istifadə edin. Əgər bu da kömək etməzsə, köynəyi saxlayın, hər dəfə saçınızı boyayanda geyinin.

Hər hansı bir ləkəyə ilkin müdaxilə etdikdən sonra ləkə heç cür getmirsə, quru təmizləməyə gedin.