İnsanların əksəriyyəti sağlam həyat tərzi və səliqəli bədən arzulasalar da, dəfələrlə müxtəlif bəhanələrlə bu fikirdən daşınırlar. Bu nə üçün baş verir və nə etmək lazımdır?
İçinizdəki səs həmişə müqavimət göstəyir və deyir:
1. Sağlam həyat tərzi özü ilə böyük çətinliklər gətirir. Nə geyinəcəm? Harda və nə vaxt məşq edəcəm? Hansı daha yaxşıdır: qaçmaq yoxsa studiyada fitneslə məşğul olmaq? Kurs məşqlərinə yazılmalıyam? Klubun üzvü olmalıyamsa bu neçəyədir?
2. Mənim vaxtım yoxdur! Müntəzəm məşqlər mənim qrafikimə qətiyyən uyuşmur. Hər dəfə telefonuma zəng gələndə, məni vicdanım sıxır – məgər mən indi iş masasının arxasında olmamalıyam? Bu məni stresə salır!
3. Pedalları fırlatmaq sıxıcıdır. Mən demək olar tərləmirəm, ilkin mərhələdə məşqin ağırlığı gülünc səviyyədədir. Sağrı əzələlərim ağrıyır, bütün bədənim sızıldayır, mən isə məşq nə vaxt bitəcək deyə dəqiqələri sayıram.
4. Məşq zalına getməkdən sıxılıram. Ətrafımda səliqəli bədən quruluşu olan idmançıları görəndə utanıram. Bu böyüklükdə qarınla heç bir fitnes studiyada görünə bilmərəm, küçədə qaçanda isə, uşaq arabaları ilə qaçan cavan cütlüklər belə məni ötüb keçirlər.
Bu fikirləri ağlınızdan çıxarın.
Sizə verdiyimiz 10 məsləhətdən istifadə edin, onlar sizə müntəzəm məşqlərə başlamağa köməklik edəcək:
1. Həqiqətin gözünün içinə baxın. Ayaqlarınıza kimi soyunun və güzgünün qarşısında dayanın – gördüyünüz sizi qane edir? Yox? Velosiped şortlarınızı geyinin və erqometrə!
2. Şəklinizi çəkin. Onu çapdan çıxarıb özünükontrol gündəliyinizə yapışdırın. Şəklin altında ilkin dəyərləndirmənizi yazın.
3. Özünükontrol gündəliyini müntəzəm olaraq yazın. Bu yolla siz uğur və uğursuzluqlarınıza nəzarət edə biləcəksiniz. «Xeyirxah əməllərinizi» analiz etməklə, növbəti addımlar üçün lazımi motivasiya alacaqsınız.
4. Təyin olunmuş ritmi qoruyun. Məşqi gündəlik rituala çevirin. Sabaha ertələmək? Qadağandır! Axı siz formada olmaq istəyirsiniz, bu isə sistematik məşqlərlə əldə edilir (həftəlik planda müəyyən olunmuş istirahət günləri və xəstəliklə əlaqədar məcburi fasilələr istisnadır).
5. Məşq üçün özünüzdə lazımi əhval-ruhiyyəni yaradın. Fitnes jurnalların içərisindən şüarları kəsib evin müxtəlif yerlərinə yapışdırın. Vanna otağındakı güzgüyə, kompyuterin monitoruna, soyuducunun divarına və s. yerlərə motivasiyaedici frazalar olan qeydlər (məsələn: “Yeni ilə kimi mən 75kg-dan arıq olacam) və gündəlik məşq proqramınızı (məsələn: səhər yeməyindən əvvəl 30 dəqiqə gəzinti, axşam 2×20 dəqiqə erqometrdə, sonra isə dartınma hərəkətləri!) yapışdırın.
6. Köhnə cinslərinizdən birini götürün. Əyninizə geyinin və özünüzə deyin: “3 həftə sonra mən düyməni yenidən bağlaya biləcəm!”
7. Bunu ulduzların etdiyi kimi edin. Madonna, Tom Kruz, Cenifer Lopez&Co.-nun onları daim motivasiya edən şəxsi məşqçiləri var. Sizə də belə bir məşqçi lazımdır. Sizin məşqinizdə dostunuz və ya rəfiqəniz iştirak etsə əla olar. İçinizdəki tənbəl canlı qapıya dirənəndə, onlar sizi bütün gücünüzü toplamağa çağıracaqlar…
8. Bəhanələrlə mübarizə aparın. Yağış yağır? Nə olsun?.. Fərahlıqdan həzz alın. Ya da mənim vanna otağımdan asdığım sevimli plakatı təsəvvür edin: şiddətli yağışın altında qaçan adam. Altındakı yazı belədir: “Mən kölgəli palma meşələrində sərin küləyin əsdiyi qızmar günəşli bir yer tanıyıram – harada ki daim ikinci yerə layiq görülənlər məşq edir”.
9. Nəbzinizi ölçməyi unutmayın. Hər məşqdən öncə ürək döyüntülərinin ilkin sayını yoxlayın – bu stres və digər neqativ halların, o cümlədən sizin inkişafınızın göstəricisidir.
10. Əlavə olaraq özünükontrol gündəliyinə cədvəl çəkin, xanalarında gündəlik məşqinizin davamiyyət və təsviri qeydiyyatını aparın. Doldurulmamış xanaların azalması ilə motivasiyanız inanılmaz dərəcədə artacaq.
