“Gencaile.az” saytının “İftar süfrəsi” rubrikasında bu dəfə noxudlu bulqur şorbası, noxudlu, zeytunlu çoban salatı və Ramazan kababının hazırlanma qaydasını təqdim edirik.
Noxudlu bulqur şorbası
İçindəkilər
Zeytun yağı – 3 x.q.
Su – 5 st.
Bulqur – 2 ovuc
Bişmiş noxud – 1 st.
Cəfəri – 10 saplaq
Keşniş – 10 saplaq
Sürtgəcdən keçirilmiş pomidor – 1 ədəd
Tomat – 1 x.q.
Bibər pastası – 1 x.q.
Duz, istiot
Hazırlanması
Zeytun yağını isidin, sonra pastaları əlavə edib qovurun, sürtgəcdən keçirilmiş pomidoru da əlavə edib qovurun. Suyu tökün qoyun qaynasın. Su qaynadıqdan sonra təmizlənib yuyulmuş bulquru və noxudu tökün, duz, istiot səpin, az odda qoyun bişsin. Şorba bişdikdən sonra kənara alın, xırda doğranmış göyərtliləri də əlavə edin. Servis etdikdə istəsəniz limon da qoyun.
Noxudlu, zeytunlu çoban salatı
İçindəkilər
Qaynadılmış noxud – 300 qr.
Orta ölçülü xiyar – 2 ədəd
Pomidor – 2 ədəd
Cəfəri – 1 ovuc xırda doğranmış
Zeytun – 8 ədəd
Zeytun yağı
Limon
Bal
Hazırlanması
Pomidorları kub şəklində doğrayın, sulu hissəsini isə çıxardın. Xiyarları uzunsov iki hissəyə ayırın, su buraxmasın deyə içərisini qaşıqla çıxardın və doğrayın. Zeytunları da iki yerə bölün. Bütün ərzaqları noxud və cəfərilə qarışdırın. Sous üçün: Limonun qabığını sürtgəcdən keçirin və yarım limonun suyunu sıxın. 4 x.q. zeytun yağı və 1 x.q. bal ilə bunları qarışdırın, salatın üzərinə əlavə edin və yaxşıca qarışdırın.
Ramazan kababı
İçindəkilər
Badımcan – 3 ədəd
Sivri bibər – 4-5 ədəd
Pomidor – 1 ədəd
Zeytun yağı
Ətli içlik üçün
Zeytun yağı – 3 x.q.
Dana əti quşbaşı doğranmış – 300 qr.
Arpacıq soğan – 10-15 ədəd
Su – 1 st.
Duz
İstiot
Qaynadılmış quru lobya – yarım stəkan
Sous üçün
Tomat – 1 x.q.
Bibər pastası – 1 ç.q.
Su – 1.5 st.
Hazırlanması
Badımcanları yarım soyun, dörd yerə bölün və bunları də uzunsov şəklində 2-3 yerə bölün. Kağız salfetin üzərinə sərin, duzlayın və acısını çıxardın. Bibərləri iki yerə bölün, tumlarını təmizləyin. Pomidoru isə dörd yerə ayırın. Badımcan və bibərləri rəng alana qədər qızardın. Bir tavada isə ətləri bişirin. Amma tam bişməsin. Soğanı soyun, yuyun, ədviyyatları və suyu da əlavə edin, ətlər bişənə qədər bişirin. Lobyanı da əlavə edib qarışdırın. Bir şüşə soba qabının kənarlarına qızartdığınız bibər və badımcanları yığın, içlik əti isə qabın ortasına qoyun, badımcan və bibərlərin arasına isə doğradığınız pomidorları yığın. Bir kasada pastaları və suyu qarışdırın. Qabın içinə tökün, üzərini isə yağlı kağız və folqa ilə bağlayın. 180 dərəcə əvvəlcədən isidilmiş sobada 20 dəqiqə bişirin. Üzərini daha sonra açın və 5-10 dəqiqə də bu şəkildə bişirin.
Nuş olsun!
