Evlilik hər bir gənc qız və oğlanın ən məsum xəyalıdır. Hər kəs bir gün özünə uyğun həyat yoldaşı tapır və ömrünün geri qalanını onunla yaşamağa qərar verir. Lakin 21-ci əsrdə yaşamağımıza baxmayaraq, bəzi ölkələrdə hələ də qeyri-adi adət adı ilə işgəncələr mövcuddur. İndi tanış olacağınız adət-ənənələr gəncləri evlilik yoluna yaxınlaşdırmaqdansa uzaqlaşdırır.

“Gencaile.az” “Publika.az”-a istinadən sizə “evlənməkdən imtina etdirəcək” qəribə adətləri olan ölkələr haqqında maraqlı faktları təqdim edir:

1. Pakistan

Burada qız evi kürəkən namizədini qoyub qabağına o ki var söyür. Ailə böyükləri tərəfindən oğlana ağlınıza gələ biləcək bütün təhqirlər, söyüşlər səsləndikdən sonra oğlan hələ də soyuqqanlılıqla cavab vermədən səbr edərsə, qızı ona verirlər. Əks halda bu evlilik mümkün deyil.

2. Quam

Quamda bakirə qızların ailə qurması qadağan olduğu üçün onlar evlənəcəkləri kişinin iştirakı ilə pul qarşılığında bakirəliklərini pozdururlar. Pulu isə oğlan evi ödəyir.

3. Mavritaniya

Afrika ölkəsində evlənməzdən əvvəl qızlar ən az 100 kiloqram çəkiyə malik olmalıdırlar. Oğlan evinini böyükləri, qız 100 kiloqrama çatana qədər növbəli şəkildə ona yemək verir. Qız yeməkdən imtina edərsə, evlilik hazırlıqları pozulur.

4. Kolumbiya

Evliliyə hazırlaşan cütlüyün valideynlərindən biri gənclərin ilk gecəsində iştirak etməlidir. Əksər hallarda bu vəzifə qız anasına verilir. Bunun səbəbi boşanma zamanı qarşı tərəfin qıza “bakirə deyildi” kimi ittihamlar irəli sürməsinin qarşısını almaqdır.

5. Hindistan

Hindistanda nisbətən daha gülməli adət var. Toy günü gəlin və bəy üçün müqəddəs od qalanır və ətrafına yastıqlar qoyulur. Adətə görə, müqəddəs odun ətrafına ən az 4 tur fırlandıqdan sonra ilk kim yerə otursa, ailədə onun sözü keçəcək.

6. Şimali Koreya

Şimali Koreyada bəy qız istəməyə gedərkən qaz və ya ördək aparır. Bu, onlarda simvolik məna daşıyır. Cütlüyün evinə əvvəllər canlı, son dövrlərdə isə oyuncaq ördək qoyulur. Əgər cütlük ördəyi qapının önünə tərs qoysa, mübahisə etdiklərinə, düz qoysa isə yaxşı yola getdiklərinə yozulur.

7. Vikinqlər

Vikinqlər zamanında gəlinlər hərraca çıxarılırdı. Oğlan evi qız üçün başlanğıc qiymət müəyyənləşdirdikdən sonra qızın atası, əmiləri, dayıları bu qiyməti artıraraq hərracı uzadırdılar.

8. Bosniya və Herseqovina

Burada adətlər Türkiyədəki adətlərə yaxındır. Kürəkən namizədi qız evinə dəvət edilir. Qızın ailə böyükləri tərəfindən uyğun namizəd olub-olmadığına dair müzakirələrin sonunda oğlana qəhvə verilir. Əgər razılıq varsa, qəhvə şirin olur, yox razılıq verməsələr qəhvənin içərisinə limon və acı ədviyyatlar səpirlər.