Hava nəqliyyatı günümüzün ən önəmli faktorlarından biridir. Keçmişdə insanların günlərlə və hətta aylarla getdiyi yolu təyyarə ilə saatlar ərzində getmək mümkündür. Dünyanın hər bir ölkəsində ən azı 1 dənə də olsa, hava limanı var.
Lakin bəzi ölkələrdə coğrafi quruluşuna görə inanılması mümkün olmayan yerlərə qurulan hava limanları olduqca qorxulu və təəccüblüdür.
Beləliklə, sizə dünyanın ən ilginc hava limanlarını təqdim edirik.
Kai Tak hava limanı…
Honq-Konqda yerləşəndə Kai Tak hava limanı 1998-ci ildə insanlar üçün təhlükəli olduğuna görə bağlanılıb. Bu hava limanı pilotların təyyarələri çox çətinliklə qaldırıb-endirə biləcəkləri ərazidə yerləşirdi. Yaşayış evlərinin üzərindən eniş edən pilotların səhv etmək şansları yox idi. Bundan əlavə, hava limanı dəniz sahilində yerləşirdi.
Barra hava limanı…
Barra hava limanında bir təyyarənin enə bilməsi üçün digərinin havaya qalxması lazımdır. Olduqca kiçik olan bu hava limanı düz dəniz kənarında yerləşir. Qumdan ibarət olan eniş xətti dəniz səviyyəsi yüksəldiyi zaman yoxa çıxır. Sözügedən bu hava limanı isə Şotlandiyada yerləşir.
Mate Kane hava limanı…
Cənubi Afrikada yerləşən bu hava limanı yüksək dağın təpəsində inşa edilib. Buraya eniş etməklə yanaşı, qalxmaq da bir o qədər təhlükəlidir.
Paro Hava limanı…
5500 metrlik əraziyə sahib olan bu hava limanının ətrafı dağlarla əhatəlidir. Bura yalnız gündüz vaxtı enib-qalxmaq mümkündür. İşıqlandırma sistemi olmadığı üçün buraya gecə vaxtı eniş etmək qadağandır. Bu təhlükəli bölgəyə eniş edən, o cümlədən, buradan qalxan pilotlar xüsusi olaraq, təlimlər keçirlər. Dünyada bu hava limanına enə bilən cəmi 25 pilot var.
Yrausquin hava limanı…
Saba adasında yerləşən bu hava limanı da yerinə görə çox təhlükəlidir. Buraya adətən, istirahət üçün gələnlərin şəxsi təyyarələri eniş edir. Ətrafı sərt qayalarla əhatəli olan bu hava limanına enmək istəyən çox az adam tapılar.
Turan Oruc
