Həyatda hər vəziyyətdə hazırlıqlı olmaq faydalıdır. Ağıllı yollarla pul yığmağın yollarını öyrənib tətbiq etsəniz, gələcəkdə daha rahat olarsınız. “Gencaile.az” sizə bu işin xırdalıqlarını təqdim edir.
Alış-veriş edərkən qazanın
Endirim zamanı alış-veriş etməyə çalışın. Bundan başqa alış-verişlərinizdə sizə bonus, əlavə endirim, xallar qazandıran kartlardan istifadə edə bilərsiniz. Beləliklə alış-verişlərinizdə pul xərcləyərkən həm də qazana bilərsiniz.
Kommunal xidmətlərinizin ödənişlərini ən aza endirin
İşıq, su, qaz və s. kimi xidmtlərə xərcləriniz yüksəkdir? Onları azalda bilmək üçün qənaət etməyə çalışın. Məsələn, qabyuyuyan, paltaryuyan kimi maşınlarınızı gündə bir dəfə istifadə edin, bununla həm elektrik, həm də suya qənaət etmiş olarsınız. Bundan başqa əşyalarınız yeniləmək lazım olanda ən az enerji sərf edənlərini seçərək, gələcəkdə də qənaət etməyə imkan yaratmış olarsınız.
Dərhal özünüzə bir kassa alın
Bəli, uşaqlığınızda olduğu kimi kassa tutun. Onu mətbəxə və ya qonaq otağınıza yerləşdirin. Qazancınıza görə hər gün ora ən az 2-5 manat pul atmağa söz verin və sözünüzə əməl edin. Ay sonunda isə yığıdığınız pulu banka yerləşdirin. Beləliklə sizdə pul yığmaq vərdişi yaranacaq.
Topdan alış-veriş edə bilərsiniz
Xüsusilə çox istifadə olunan bəzi şeyəri topdan almaqda fayda var. Məsələn kağız dəsmal, tualet kağızı, pampers və s. kimi şeyləri topdan almaq hər zaman daha ekonomikdir.
