“Gencaile.az” saytının “İftar menyusu” rubrikasında bu gün oxucularımıza dadı-damağınızdan getməyəcək pendir sousunda toyuq ruletinin reseptini təqdim edirik:
İnqrediyentlər
Toyuq filesi – 400 qram
Vetçinanı – 8 dilim, 250 qram
Yumşaq pendir – 8 dilim, 200 qram
Bərk pendir – 50-80 qram
Zövqə görə duz, istiot, kəklikotu
Sous üçün ərzaqlar:
Sarımsaq 1-2 diş
250-300 qram xama
Xardal – 1-2 çay qaşığı
50 ml. quru ağ çaxır
Zövqə görə duz, istiot, kəklikotu
Hazırlanma qaydası:
Toyuq döşünü döyəcləyin, duz, istiot, kəklikotu vurun. Toyuq döşünün ölçüsü vetçinanın və pendirin ölçüsü qədər olmalıdır.
Lazımi ərzaqlardan sous hazırlayın.
Döyülmüş ətin üzərinə bir dilim vetçina, 1 dilim yumşaq pendir qoyun, aralarına kəklikotu səpin. Rulet formasında bükün və soba tavasına yığın. Sousu isə tavaya tökün. Ruletin üzərinə sürtgəcdən keçirilmiş pendir səpin.
200 dərəcə isidilmiş sobada 20 dəqiqə bişirin.
Məsudə Sultan
