Keçən yay ipək və atlas maykalar daha çox satılırdısa, bu mövsüm onları 1980-ci illərin çiyinlikli ağ pambıq qolsuz köynəkləri əvəz edəcək.
Ultra qısaqollu və çiyinlikli köynək dəbi artıq instaqram modapərəstlərinin qarderobuna yol tapıb. Trendin qabaqcılları arasında fəşn blogeri Lisa Aiken, Pernil Teisbek və Jenette Friis Madsen də var.
Əgər qüsursuz obraz yaratmaq istəyirsinizsə, onu hündürbelli cins ilə kombinə etmək yaxşıdır. Obrazın zərifliyini artırmaq naminə aksessuar əlavə edə bilərsiniz, məsələn, zəncir şəklində kəmər. Geniş dəri şalvar və əlbəttə ki, dar cinslər klassik kombinasiyalar üçün əlverişli olacaq. Kiminsə qəlbi bahar romantikası tələb edirsə, bu köynəkləri cəsarətlə pastel tonlarda yarıqlı yubkalarla birləşdirə bilər.
