Bu mövsüm dizaynerlər şokoladın südlü, tünd və acı çalarlarından ilham alıb. Modapərəstlər üçün də bir çox moda evlərinin payız-qış kolleksiyalarında üstünlük verdiyi şokolad çalarlarına müqavimət göstərmək çətin olacaq.
“Gencaile.az” saytı “Publika.az”-a istinadən xəbər verir ki, şokoladın müxtəlif tonları payız-qış mövsümünün əsas trendi olacaq.
Son vaxtlara qədər bütün qəhvəyi çalarlar gündəlik qarderobumuzun bir hissəsi idi. Ətrafdakıların hamısı boz və qara tonlara büründüyü halda tutqun palitranı azaldıb seçilmək istəyənlər qəhvəyiyə üstünlük verirdi.
İndi qəhvəyi yalnız gündəlik deyil, gecə geyimlərinin də əsas hissəsinə çevrilir. Bunun üçün “Emilia Wickstead”, “Balmain”, “Bottega Veneta”, “Christopher Kane” kimi lüks brendlərin və onlardan bəhrələnən demokratik markaların kolleksiyalarına nəzər salmaq kifayətdir.
Qəribədir ki, bu rəngin yüksək səslə qaytarılmasında ona olan istehzalı münasibət günahkardır. Dizaynerlər bu çaları gündəlik həyatımıza daha uyğun etmək üçün ən müvəffəqiyyətli yolları istifadə edir, həm də qəhvəyinin sıxıcı çalarlarını zərif və dramatik hala gətirir. Minimalizmin artan populyarlığı, təbii gözəlliyin üstünlüyü və ətraf mühitə uyğunlaşma trendlərinin artması nəticəsində qəhvəyini çox tünd və çox darıxdırıcı deyil, kifayət qədər möhtəşəm, eyni zamanda fərqli üslublar üçün ideal, göz qamaşdırıcı təbii rəng kimi qarşılayırıq.
Geyimlərinizi daha nəcib etmək və gələcək illər üçün alış-verişə investisiya qoymaq istəyirsinizsə, qəhvəyinin bütün rəng spektrindən istifadə edə bilərsiniz. Qarderobunuza qəhvəyi detal əlavə edin və ya başdan ayağa şokolad çalarından geyinin.
Bu rəngli geyimləri qalın material və həcmli detallarla kombinə edin: dəri şalvara böyük sviter əlavə edin, yaxud ipək paltara həcmli jaket və tünd qırmızı çəkmələr əlavə etmək olar. Qəhvəyinin ağ, qara və boz kimi romantik rənglərlə birləşməsi idealdır. Lakin ən şıq variantlar şokolada qəhvə, karamel və ya süd çaları əlavə etməklə əldə edilir.
