Hansısa qonaqlığa, nişan və ya toya gedərkən gələnlər bir-birini bəyənir və sevgi başlanır. Tanışlıqlar müxtəlif olur. Amma önəmli olan tanışlığın növü deyil. Əsası odur ki, tanışlığın üzərində qurulan münasibət sırf sevgidən bəhs etsin.

Amma sevgilisi tərəfindən seçilən qızı bir şey maraqlandırır. Və o, “Burada bir az sirr var – axı ətrafında o qədər gözəl qızlar vardı görəsən niyə məhz mənə diqqət yetirib?”. Bu suala isə adətən oğlanın cavabı belə olur: “Çünki hamıdan gözəl, şən, hamıdan füsunkar sənsən”.

Məsələ aydındır… O xanım hansı keyfiyyətləri iləsə seçilirdi və həmin “nə isə” o ərəfədə onun əhvalı ilə həmahəng idi. Bir detal daha var. Zərif cinsin nümayəndələrində hər şey bir qədər mürəkkəb və eyni zamanda sadədir. Qızların diqqətini onlara daha çox diqqət ayıran oğlanlar cəlb edir, amma əgər oğlan fikrini başqa birisinə yönəltsə bu jesti ilə qızı qıcıqlandırmış olacaq. O zaman qız başqa birisinin diqqətini cəlb etməyə çalışacaq. Və əgər bu ideya bas tutmasa bayaq ki dəliqanlı onun gözündən düşəcək.

İşdə məhəbbət macərası

Tale bu üsulundan həvəslə istifadə edir. İşdə tanışlıq nümunələrinə baxaq. Daha çox rast gəlinən şablon cümlələrdən biri: “Biz bir şöbədə işləyirdik, o isə hər gün mənim yanımdan ötüb keçirdi. Və necə oldusa ürəyimə yatdı.”

Yeri gəlmişkən işdə bir-birinə göz gəzdirmələr uzun sürür. Bu müddət ərzində gələcək ər arvad bir-biri haqqında lazımınca məlumat toplaya bilir. Sonra bu mərhələ bezdirir və necə deyərlər tezləşdirməkdən ötrü kimsə savab qazanır. Belə vəziyyətlərdə kişi qürurla düşünür ki, ilk addımı məhz o atıb. Kişilər yox cavabından qorxduqları üçün məsələni yubandıra bilərlər.

Romantik tanışlıqlar

Harada baş tutmasından asılı olmayaraq heç vaxt bilmirsən ki, məhz hansı detal, hadisə və ya təsadüf iki nəfəri ömürlük bir birinə bağlayır.

Üçüncü tərəfin köməyi ilə bas tutan tanışlıqlar

Təsəvvür edin ki toy mərasimində “Toyunuz mübarək”in ardınca belə ifadə yazılır, “Evləndin indi dostuna kömək et”.

Valideynlər və ya yaxın qohumlar övladlarının yaşının keçməsindən narahatlıq keçirəndə uğurlu namizəd ortaya çıxanda başlayırlar. Belə tanışlıqlar seçilən obyektin xasiyyəti, maddi vəziyyəti və ailəsi haqqında sonsuz araşdırmalar, söhbətlərlə müşayiət olunur.

İndi vasitəçilik missiyasını nikah və tanışlıq mərkəzləri də üzərinə götürür. Əgər əvvəllər bu üsul mentalitetə uyğun gəlmirdisə hazırda geniş yayılmış tanışlıq üsulunu cəmiyyət təqdir etməyə başlayıb.

Qismət özü gələcək

Baxın bunu heç kəs əvvəlcədən deyə bilməz. Onun nə vaxt harada gələcəyini bilmək olmaz. Taleyin fantaziyası o qədər geniş və gözlənilməzdir ki … Sadəcə, çalışmaq lazımdır ki, şansını əldən verməyəsən.