Müasir dövrdə qızlar mümkün qədər möhtəşəm görünmək üçün çox pul və səy sərf edirlər. Ancaq keçmiş dövrlərdəki qadınların yaşadıqlarını bununla müqayisə etmək olmaz.
İntibah dövrü – qırxılmış alınlar
İntibah dövründə hündür, yuvarlaq bir alın gözəllik standartı hesab olunurdu və saç xətti mümkün qədər uzaqda yerləşməli idi. Buna görə demək olar ki, bütün qızlar saçlarını alınlarının dibindən qırxdırdılar.
İkinci Dünya müharibəsi – boyalı taytlar
İkinci Dünya müharibəsi illərində çılpaq qadın ayaqları ədəbsizliyin “piki” sayılırdı və hər kəsin tayt üçün kifayət qədər pulu yox idi. Bu səbəbdən də əksəriyyət ayaqlarını xüsusi boya ilə boyayaraq, tayt illüziyası yaradırdı. Daha imkanlı olanlar axşamlar boyanı yuyub dərinin nəfəs almasına imkan verə bilirdilər, ancaq kasıb qızlar onu silinənə qədər saxlayırdılar, baxmayaraq ki, çoxlarında boya allergiyaya səbəb olurdu.
Çində ayaq bağlama
Ayaqların bağlanması adəti 13-cü əsrdə başladı – 5 yaşlı qızların ayaqları böyüməməsi üçün möhkəm sarınırdı. Bu, sümüklərin və oynaqların dəhşətli deformasiyasına səbəb oldu, bir çoxları prinsipcə gəzmək qabiliyyətini itirirdi. Ancaq gözəllik və nəticədə müvəffəqiyyətlə ərə getmək bacarığı o dövrdə daha vacib idi.
Qədim mayalılarda kəllə sümüyünün forması dəyişdirilirdi
Qədim mayalılarda uzunsov kəllə gözəllik standartı hesab olunurdu. Uşaqlıqdan məbədlərdə körpələrin başları alnından iplə sıx bağlanırdı və ya taxtalarla sarınırdı. Yumşaq sümüklər yüngül təzyiq altında belə asanlıqla formasını dəyişir və üç yaşına qədər demək olar ki, hər kəsdə tələb olunan ideala nail olunurdu.
Qədim Çin – dırnaqların qaynağı
O dövrün qadınları və kişiləri dırnaqlarını uzadırdılar – nə qədər uzun olsa, bir o qədər yaxşı sayılırdı. O zaman uzun dırnaq sahibi müdrik adam hesab edilirdi. Yuxarı təbəqənin nümayəndələri qaynaq edilən dırnaqların köməyi ilə guya tanrılarla söhbətlər aparırdılar ki, bu da, əksəriyyətinin fikrincə, adi sakinlər üçün mümkün deyildi.
İntibah dövrü-qaş təraşı
Bu dövrdə qızlar yalnız alınlarını qırxmırdılar, həm də zaman keçdikcə qaşların tamamilə yoxluğu dəbə düşmüşdü. Qaşların yerində bir dənə də tük qalmaması üçün onları diqqətlə qoparırdılar.
İntibah dövrü- qısaldılmış dişlər
İntibah dövrünün qızlardan digər bir tələbi dişlərini qısaltmaları idi. Gözəl kimi tanınmaq istəyənlər minanı elə kəsirdilər ki, ön dişləri kvadrata oxşar formada olsun.
Nubar Süleymanova
