Dünyanın müxtəlif yerlərində öz görünüşü və ya memarlıq üslubu ilə təxəyyülü heyran edən fərdi yaşayış binaları var. Və “təəssürat” baxımından təsir edə bilən başqa bir meyar var – bu, adətən dünyanın ən zəngin insanlarına və ya pop ulduzlarına məxsus olan belə evlərin qiymətidir. Bu evlər həm də çox vaxt geniş bir şəxsi ərazidə yerləşirki, bu da bir insanın özü üçün yaratdığı kiçik bir dünya təəssüratını yaradır.
Michael Jordan Mansion (İllinoys-ABŞ)
Əfsanəvi idmançının təxminən 15 milyon dollar dəyərində olan evi İllinoys ştatının Çikaqo şəhəri yaxınlığında yerləşir. Daşınmaz əmlak bazarına ilk dəfə o, 2012-ci ildə qoyulmuşdu, o zaman, demək olar ki, iki dəfə baha – təxminən 29 milyon dollara başa gəldi, lakin son illərdə dəyəri azaldı. Bununla belə, bu, evin dəbdəbəsinə xələl gətirmir: evin qarajında 14-ə qədər avtomobil yerləşə bilər və ərazidə geniş bir basketbol meydançası və bir idman zalı var. Evin tikildiyi torpağın ümumi sahəsi yeddi sotdur.
Getty Residences (Nyu-York – ABŞ)
Burada çox böyük pula başa gələn mənzillər var. Məsələn, hazırkı bazar qiyməti 59 milyon dollara çatan Getty Residences mənzilləri Manhettenin Çelsi rayonunda orijinal binada yerləşir. Maraqlıdır ki, əvvəllər bu ərazidə “Getty Oil” yanacaqdoldurma məntəqəsi yerləşirdi. Bina layihəsinin müəllifi məşhur memar Peter Marino idi. Sahəsi demək olar ki, 929 kvadratmetr olan böyük bir malikanə ilə müqayisə olunan dəbdəbəli penthaus strukturun yuxarı hissəsindəki ev bir anda üç mərtəbəni tutur. 2018-ci ildə mənzil milyarder Robert F. Smit tərəfindən tam bazar qiymətinə alınıb.
Oprah Uinfrinin evi (Montesito-Kaliforniya – ABŞ)
Dünyanın ən məşhur teleaparıcısı Opra Uinfri həyatı boyu yaxşı sərvət qazandığı üçün ona bazar dəyəri 88 milyon dollar olan “yuva” yaratmaq çətin olmadı. Uinfri “Veranda” jurnalına verdiyi müsahibədə evi haqqında danışıb: məsələn, onun böyük malikanəsinin və qızılgül bağının Den Bifano ilə birlikdə şəxsən özü tərəfindən layihələndirildiyini və sahəsi 2 min kvadratmetrdən çox olan malikanənin yenidən formatlaşdırılması ilə bağlı ona məşhur dizayner Rose Tarlounun kömək etdiyini vurğulayıb.
Jay-Z və Beyonsun evi (Kaliforniya-ABŞ)
Malikanə Oprahın evinin dəyərinə bənzər, 88 milyon dollar dəyərində qiymətləndirilir və beş il əvvəl məşhur super ulduz cütlük tərəfindən alınıb. Üstəlik, o zaman Bel Air-də satılan və alınan ən bahalı ev sayılırdı. müasir üslubda tikilmiş ən dəbdəbəli bina ilə yanaşı, onun yerləşdiyi torpaq sahəsi də görənləri heyran edir, orada eyni anda dörd hovuz yerləşdirilib, basketbol meydançası da var.
Pleyboy Mansion (Los-Angeles – ABŞ)
100 milyon dollar dəyərində olan malikanədə onilliklər ərzində məşhur “Playboy” jurnalının sahibi Hyu Hefnerin evi olub. Bu evin fasadının dizaynı maraqlıdır: ev qotika üslubunda tikilib. Altı yataq otağı və vanna otağı, ərazidə tennis kortu və hovuz var. Yaşayış kompleksində dörd yataq otağı olan qonaq evi də var. Dəbdəbəli malikanə 2016-cı ildə Amerika daşınmaz əmlak bazarında ən bahalı ev oldu, sonralar isə iki dəfə baha – 200 milyon dollara qiymətləndirildi.
Odeon Tower Penthouse mənzilləri (Monako)
Monakoda yerləşən bu lüks mənzillərin dəyəri 335 milyon dollardır. 3,3 min kvadratmetr sahəsi olan bu hörmətli mənzil “Tour Odeon” göydələninin yuxarı hissəsində yerləşir. Mənzilin layihəsi “Groupe Marzocco”şirkətinin mütəxəssisləri və memar Alexander Giraldi tərəfindən hazırlanmışdır. Mənzilin özündən əlavə, penthausun üst mərtəbəsində ətrafın mənzərələrindən həzz almağa imkan verən “sonsuzluq hovuzu” da var.
Villa Les Cdres (Sen Jan Kapp-Ferra – Fransa)
Müasir dəyəri 410 milyon dollar olan bu dəbdəbəli villa 1830-cu ildə tikilib, ona görə də maraqlı tarixçəsi var. Belə ki, 1904-cü ildə evi o vaxtkı Belçika kralı II Leopold alıb. Sahəsi 1,7 min kvadratmetrə çatan bu qəşəng əmlak 142 min kvadrat metrlik baxımlı yaşıl bağa malikdir, burada ağacların çoxu sidr ağaclarıdır, buna görə villa özünəməxsusdur. Məlumdur ki, evin 14 yataq otağı var və ərazidə bitki örtüyündən əlavə nəhəng hovuz və böyük qaraj var.
Le Palais Bulles (Theoule-sur-Mer – Fransa)
Fransanın da dəbdəbəli evləri var, lakin bəziləri həm də qəribə dizaynı ilə seçilir. Bunlardan biri Pyer Kardinin iqamətgahıdır ki, onun dəyəri 430 milyon dollardır. Bu malikanənin layihəsini macar memar Antti Lovaq həyata keçirib. Onun işinin nəticəsi, dizaynı Aralıq dənizi sahillərinə səpələnmiş ya daş yığınına, ya da sabun köpüyü dağına bənzəyən futuristik bir quruluş olan Le Palais Bullesdir.
Villa La Leopolda (Villefranche-sur-Mer – Fransa)
Rivierada 750 milyon dollar dəyərində qiymətləndirilən fransız villası dəbdəbəsi və miqyası ilə seçilir: on bir yataq otağı və 14 vanna otağı var. Uzun müddət qəşəng ev livanlı-braziliyalı bankir Edmond Safranın həyat yoldaşı milyarder Lili Safranın mülkü idi. Ev Kot d’Azurda, sahəsi 202 min kvadratmetr olan bir ərazidə yerləşir. Orada hər şey var: istixana, vertolyot meydançası, açıq mətbəx və hətta üzgüçülük hovuzu. Villa adını ilk sahibinin – Belçika kralı II Leopoldun şərəfinə almışdır.
Antilia Tower (Mumbay – Hindistan)
Ən bahalı fərdi evin qiyməti inanılmazdır-iki milyard dollar. Bu unikal malikanə Çikaqoda yerləşən beynəlxalq memarlıq şirkəti “Perkins & Will” tərəfindən Santa Monikada yerləşən Amerika beynəlxalq dizayn firması “Hirsch Bedner Associates”in əməkdaşlığı əsasında layihələndirilib. Hündürmərtəbəli iqamətgah xüsusi olaraq hindli milyarder Mukeş Ambaninin sifarişi ilə yaradılıb. Binanın ümumi sahəsi 37 min kvadratmetrdir və o, Hindistanın Mumbay şəhərində Kumbala təpəsində yerləşir. Qüllə zəlzələyə davamlı olaraq tikilib və yaşayış sahəsi kimi istifadə olunan 27 mərtəbədən, eləcə də parkinq üçün nəzərdə tutulmuş 6 yeraltı mərtəbədən ibarətdir. Bundan əlavə, ərazidə məbəd, əlli tamaşaçı üçün kinoteatr, eyni zamanda, 9 sürətli lift də quraşdırılıb.
Donald Trampın evi (Mar-a-Laqo, Palm Beach – ABŞ)
Bu evi ABŞ-ın keçmiş prezidenti və milyarder Donald Tramp təxminən 10 milyon dollara alıb. Villa keçən əsrin iyirminci illərində amerikalı iş qadını Marjorie Merryveater Postun sifarişi ilə tikilib. 1995-ci ilə qədər məşhur amerikalı milyarder Donald Tramp tərəfindən şəxsi iqamətgah kimi istifadə edilib, sonra o, uzun müddət başqa yerlərdə yaşayıb və prezidentlik müddəti bitdikdən sonra malikanəyə yenidən qayıdıb. Trampın evinin hazırkı bazar dəyəri 160 milyon dollar qiymətləndirilir.
Nubar Süleymanova
