“Qızımın xasiyyəti mənimkinə çox oxşayır. Mənim kimi deyingəndir, kaprizlidir. Amma məndən çəkinir. Hamı onu ərköyün edirdi. Deyirdim, bir insandan çəkinməlidir. O da mən oldum”.
“Gencaile.az”-ın axşam.az-a istinadən məlumatına görə, bu sözləri xalq artisti Zülfiyyə Xanbabayeva “Solo” verilişində qonaq olarkən deyib. Müğənni övladına qoyduğu qadağalardan bəhs edib: “İnternetə icazə vermirəm. Dərsləri ilə bağlı nəsə lazım olarsa, girə bilər, cizgi filmi izləyər. Dəniz ağıllı qızdır, sərbəstdir. Seçimlərini özü edir. Hər bir şeyi ona həvalə edirəm, çünki əvvəldən istədiyim tərbiyəni vermişəm. Dəniz dünyaya gec gəlib və tək övladdır. İstəmirəm ki, mənə arxayınlaşsın. Həyat çətindir. Özü ayaq üstə durmalıdır, özünə arxayın olmalıdır. Ona izah etmişəm ki, həyat “barbilər”dən ibarət deyil, çətin üzü də var. Mən qızımla mülayim olmuram. Həyatda arzularım qızımla bağlıdır. Qızımın universitetə gedən gününü görmək istəyirəm. Vaxtilə özüm üçün tənbəllikdən edə bilmədiyimi, bu gün Dəniz üçün reallaşdırıram”.
