Stilistlərin dar cins şalvarları bərpa etmək və onları moda arenasına qaytarmaq cəhdlərinə baxmayaraq, geniş kəsimli kişi şalvarları ən aktual üslublardan biri olaraq qalır. Xüsusilə boş cinslər lüksdən kütləvi bazara qədər bütün mağazaların rəflərini doldurub, onları tapmaq və almaq çox asandır. Lakin alındıqdan dərhal sonra təbii bir sual yaranır? Onları nə ilə geyinmək lazımdır? Əlbəttə ki, sevimli idman ayaqqabısı və böyük kapüşon ən məntiqli seçimdir, lakin bu mövsüm fərqli kombinasiyaları yoxlamağa dəyər.
Dizaynerlər bu yaz bol cins şalvarları dikdaban ayaqqabılarla birləşdirməyi tövsiyə edirlər.
“Uyğunsuzların birləşməsi” kateqoriyasından olan bu kombinasiya ilk baxışdan qəribə görünə bilər və biz onları bir paltarda geyinməyə öyrəşməmişik. Bununla belə, onların ziddiyyəti, obraza xüsusi cazibədarlıq əlavə edir. Siz itiburunlu klassik dikdabanlı ayaqqabılar, yaxud da sabit dabanlı daha rahat bir seçim seçə bilərsiniz. Belə bir birləşmə yalnız ən son tendensiyalara cavab vermir, həm də bədəni effektiv şəkildə vurğulayır. Dikdaban ayaqqabılarla birləşdirilən uzun, boş cinslər ayaqları vizual olaraq uzadır və onları daha incə edir.
Üst geyimə gəldikdə – hər şey ola bilər. Podiumlarda dizaynerlər obrazı çox yükləməmək üçün qara kostyum və ya ağ köymək kimi klassik variantlara üstünlük veriblər. Klassik pencək ziddiyyəti artıracaq və görünüşü daha da möhtəşəm edəcək. Həmçinin sviter və trikotaj köynəklər də təkliflər arasında yer alıb. Odur ki, sviterləri belə cinslərlə birləşdirməkdən çəkinməyin.
