Britaniya kral ailəsi kifayət qədər dəbli geyinir. İllər ərzində onlar bütün çıxışlarında zövqlü görünmək üçün bir çox yolları sınaqdan keçiriblər. Bəzi kral ailə üzvləri kral etiketinə ciddi şəkildə sadiq qalır, digərləri isə qaydalardan yayınmağın yaradıcı yollarını tapırlar.

“Gencaile.az” saytı “Publika.az”-a istinadən oxucuları bu xanımların sevimli və zövqlü görünməsini təmin edən moda hiylələri, həmçinin krallıq protokolları və gözəllik məsləhətləriylə tanış edir. İstər Keytin saç düzümü, istər Diananın baş geyimi, istərsə də Kraliça Elizabetin rəngarəng geyinmək eşqi xanımlara hər zaman ilham verib və verməyə davam edir.

Görünməz alt paltarı

Maraqlıdır ki, kral ailəsinin üzvlərinə alt paltarlarını göstərməyə icazə verilmir. Bəli, buraya büstqalter qayışları da daxildir. Paltarları gizli saxlamaq üçün kral ailəsi bir neçə moda hiyləsinə əməl edir. Bəzi paltarlarda büstqalterlər paltarın özünə tikilir. Digər hallarda, kral xanımları asqısız straplez forma geyinirlər.

Bu şəkildə Kembric hersoginyası Kate Middleton “Royal Ascot” yarışlarında iştirak edir. Onun solğun mavi krujevalı “Elie Saab” paltarının altından büstqalter kəmərinin əsər-əlaməti yoxdur.

Cəlbedici rənglərdə diqqət edin

Kraliça II Elizabeta parlaq geyimləri ilə məşhurdur. İngiltərənin ən uzun müddətdǝ taxtda qalan monarxı şəxsi üslubunu yaxşılaşdırmaq üçün çoxlu təcrübələr aparırdı. Kraliça parlaq və əlvan rənglərdən çəkinməzdi. O, başdan-ayağa qədər eyni rəngə bürünməyi sevirdi.

Kraliça Elizabetin parlaq ansambllarının mühüm səbəbi var. Monarx bu rəngarəng çalarları ona geyinirdi ki, çölə çıxanda ictimaiyyət onu görsün. Beləliklə, bir kraliça kimi görünmək istəyirsinizsə, bir rəng seçin və diqqət mərkəzində olmaq istəyinizi həyata keçirin.

Haylayter çəkin

Növbəti addımda Meqan Marklın gözəllik məsləhəti dayanır. Bilirik ki, Meqan artıq kral ailəsinin üzvü deyil. Ancaq gəlin dürüst olaq, Sasseks hersoginyasının üslubu gözəl və zərifdir! Parlaq və qıyıqgözlü görünmək üçün Meqan gözlərinin altına haylayter tətbiq edir.

Meqan Markl Fransız lüks markası “Yves Saint Laurent” in kult məhsulu “Touche Éclat”a etibar edir. Keçmiş aktrisa göz içinə də bir qədər haylayter sürtməklə gözlərinin ifadəsini daha mənalı etməyə çalışır.

Dekolteni klatçla örtün

Mərhum Şahzadə Diana yaxın tarixdə kral ailəsinin ən dəbli üzvüdür. Dəb qaydalarını pozması ilə tanınan Ledi Dinin stilini məşhur modellər, aktrisa və müğənnilər, o cümlədən sıradan qadınlar hələ də təkrarlayır. Təəccüblü deyil ki, bir çox tendensiya onun adı ilə bağlıdır. Məsələn, xalqın sevimlisi özünə qısa şortlarda velosiped sürməyə icaz verirdi. Şahzadə Diana həm də klatç çantalarından istifadə edərək dekoltesini ustalıqla gizlətməsi ilə tanınırdı. Paparazzilər onu demək olar ki, hər yerdə təqib edirdi, Diana isə onların qurbanı olmaq fikrində deyildi. O, kiçik çantasını xüsusən də maşınlardan düşərkən sinəsinə sıxıb saxlayırdı.

Saç torlarından istifadə edin

Bir çox insanlar üçün saç torları fəstfud satıcıları və məktəbin bufetxana işçiləri ilə əlaqələndirilir. Bununla belə, Keyt Middlton saçlarını bərk saxlamaq üçün bu gözəllik alətindən məmuniyyətlə istifadə edir. Hersoginya tünd qəhvəyi torun arxasında gizlətdiyi mürəkkəb çiqnon pərəstişkarıdır.

Bu aksessuar ona əminlik hissi verri ki, hər hansı bir tədbirdə olarkən saçları küləyin təsirinə məruz qalmayacaq.

Qaranı cənazə mərasimlərinə saxlayın

Krallığın protokolu ailə üzvlərinin dəfn mərasimlərində yalnız qara geyinməyi diktə edir. Güman ki, bu, rəngin drammatik və daha təsirli olması ilə bağlıdır. Görünən odur ki, kral ailəsi fövqəladə hallarda həmişə bir qara paltarla səyahət etməlidir.

Maraqlıdır ki, atası 1952-ci ildə vəfat edəndə gənc Kraliça Elizabet Keniyada idi. Və kraliçaya qara paltar gətirilənə qədər onun təyyarəni tərk etməsinə icazə verilməmişdi. Bu fotolarda şahzadələr Keyt və Yevgeniya cənazə paltarlarını geyiniblər.

Saçları papaqlarla qoruyun

Əgər saçlarınız sözünüzə baxmırsa, kral ailəsindən nümunə götürün və şapka taxın. Şlyapalar gündəlik geyim olmasa da, beysbol papağı eyni hiyləni yerinə yetirəcək. Dəfələrlə Keyt Middlton qucağında uşaqlarından biri ilə təyyarədən enərkən görüntülənib. Saçlarının dağınıq görünməməsi üçün o, adətən papağa arxalanır. Şahzadə Diananın qeyri-adi yarı papaq, yarı türbanı isə xüsusilə sevilir. Onun bütün saçları “Philip Somerville” yaradıcılığının altında toplanıb.

Həmişə təvazökar qalın

Kral ailəsinin üzvü kimi həmişə təvazökar görünmək istəyirsinizsə, qısa ətəklər, dərin dekolte və çiyni açıq geyimlərdən imtina edin. Bu şəkillərdə şahzadələr Keyt və Yevgeniya – hər biri uzun ətəklə uzunqol kofta geyiniblər. Və buna baxmayaraq, hər ikisi inanılmaz görünür.

Əlcəklər gigiyena qaydalarına riayət etmək üçündür

Kraliça Elizabetin ailədə ən klassik üsluba sahib olduğu danılmazdır. Əlbəttə, o, cəsarətli rəngi sevirdi, lakin onun aksesuarları həmişə klassik və lakonik idi. Məsələn, monarx adətən ağ və ya qara əlcəklər taxırdı. Təbii ki, kraliçanın əlcəkləri hazırlayan xüsusi bir dərzisi var idi.

Əlcəklərin kraliça stilinin ayrılmaz hissəsi olmasının sirri sanitariya tərəfi ilə bağlıdır. Kraliça həmişə əl sıxdığından gigiyena qaydalarına əməl etməli idi. Bunu isə əlcəklərin köməyi ilə edə bilirdi. Şahzadə Diana isə bu qaydanı çox tez-tez pozurdu. O, hesab edirdi ki, insanlarla görüşərkən onların əllərinə toxunmaq vacibdir.

Cinsləri it gəzintilərində geyinin

Şahzadə Diananın velosipedi qısa şortiklərdə sürməyi sevdiyini dedik. Maraqlıdır ki, kral ailəsində cins geyimləri bir qayda olaraq it gəzintiləri üçün nəzərdə tutulub. Gündəlikdə onların cins geyindiyini görmək mümkün olmasa da, bəzi nəzərəçarpacaq istisnalar var.

Ətəyinizə diqqət edin

Kral xanımlarının ətəklərinin küləkdə qalxmaması olduqca vacibdir. Təəssüf ki, Merilin Monronun uçuşan ətəklə məşhur rəqsi Keyt Middltonun da başına gəlib. Ancaq kral ailəsinin bunun üçün xüsusi bir hiyləsi var! Kraliça Elizabetin kutyurelərindən birinin sözlərinə görə, bəzən kral ailəsinin ətəyinə ağır lentlər tikilir.

Bu məqsədlə tekstil çəkiləri ala bilərsiniz. Hətta pərdələr üçün nəzərdə tutulmuş lentlərdən də istifadə edə bilərsiniz. Bu halda yubkanızın küləkdə qalxmayacağından rahat ola bilərsiniz.

Sevimli kosmetik məhsulunuzu tapın

Kraliça Elizabetin dodaq boyası çəkərkən çoxlu fotoları var. Aydındır ki, uzun müddət taxtda olan monarx öz rəngini bilir. Göründüyü kimi, “Arden’s Beautiful Color Lipstick in Fig” kraliçanın sevimli məhsullarından biridir. Amerika gözəllik markası kraliçaya və onun ailəsinə müntəzəm olaraq mal tədarük edən bir şirkətdir. Əlahəzrət şirkətin səkkiz saatlıq qoruyuculuğu olan kremini də çox sevirdi.

Bodilər qarnınızı tamamilə örtəcək

Britaniya kral ailəsinin bir çox moda hiylələri var. Bu xanımlar həmişə gözəl və baxımlı olmalıdırlar. Bunun üçün krallığın xanımları toplar və köynəklər deyil, adətən bədənə yapışan və içəridən birləşdirilən bodilər geyinməyə üstünlük verirlər.

Meqan Markl Şahzadə ilə ailə qurduqdan sonra çıxışlarında bir qayda olaraq bodi geyinirdi. Bu o deməkdir ki, onun istənilən bucaqdan şəklini çəkmək olar. Bu kadrda Meqan “Alexander McQueen” kostyumu və “Tuxe” brendinin köynək tərzi bodisini geyinib.

Obodok taxın

Son illərdə kral ailəsi bəzən adi papaqlarını və şlyapalarını dəbli baş aksessuarlarına dəyişiblər. Bu klassik “Sloane Ranger” aksesuarıdır, onu Londonda “Sloane Square”in əvvəllər imkanlı xanımları taxardı. Bu fotoda Şahzadə Beatris babasının anım mərasimində tünd qırmızı obodok taxıb.

Əsl xəzi saxtaları ilə əvəz edin

Böyük Britaniya kraliçası kimi Kraliça Elizabet 70 il ərzində bir neçə dəfə xəz geyinib. Buraya 1953-cü ildə tac qoyma mərasimində geyindiyi bənövşəyi məxmər xalat daxildir. Bununla belə, o, mübahisəli parçanı geyindiyi üçün heyvan hüquqlarının müdafiəçilərinin tənqidinə tuş gəlib.

2019-cu ildə saray kraliçanın daha ictimai nişanlarda xəz geyinməyəcəyini açıqladı. Bunun əvəzinə o, süni xəz geyinməyə başladı. Lakin taclar və paltarlar da daxil olmaqla tarixi libaslarda xəzlər olduğu kimi saxlanıldı.

Silikon kolqotkalar

Kral protokoluna görə, kral ailəsinin qadın üzvləri çılpaq ayaqlarını açmaqdansa kolqotka geyinməlidilər. Ancaq bu köhnə dəb müəyyən ayaqqabılarla geyinildikdə sürüşməyə səbəb ola bilər. Narahat olmayın, kral ailəsinin bunun üçün bir hiyləsi var!

Kate Middleton stilettosunda sürüşməmək üçün altında silikon yastıqcıqlar olan kolqotkalar geyinir. Silikon ayaqqabının içərisinə yapışaraq ayaqlarını möhkəm şəkildə yerində saxlayır.

Dırnaqlarda təbiilik

Bəzi istisnalar olsa da, kral ailəsinin əksəriyyəti dırnaqlarını çılpaq və təbii görünməsinə üstünlük verir. Bu, Kraliçanın özü tərəfindən qoyulmuş başqa bir kral nizamnaməsidir. Təbii rəng hər şeyə, xüsusən də Kraliçanın çoxlu parlaq paltarlarına uyğun gəlir.

Rəsmi kral tədbirlərində Keyt Middlton və Meqan Markl adətən çılpaq tonlu dırnaqlarda görünürlər.

Siluetinizi Balanslaşdırın

Növbəti sırada 80-ci illərin stil ikonası – Uels şahzadəsi Diana var. Diana siluetini həmişə tarazlı saxlamağa çalışırdı. O, qələm ətəkləri belinin incəliyini ön plana çıxaran kəmərlər və qabarıq qollu bluzlarla birləşdirməyi sevirdi.

Meqan Markl da oxşar siluet geyinir. Sasseks hersoginyası nisbətən boş uzunqol kofta ilə qələm ətəyin uzlaşmasını çox sevir. Əlbəttə ki, bu moda hiyləsi əksinə də işləyir. Əgər qabarıq ətək geyinmisinizsə, stilistlər onu dar köyəklə birləşdirməyi tövsiyə edirlər.

Möhtəşəm saç aksessuarları

Keyt Middleton 2011-ci ildə Şahzadə Uilyamla evlənəndə on milyonlarla insan onu izləmək üçün küçərələrə axışmışdı. Məşhurların dəbdəbəli ziyafət geyimləri arasında bir nəfər xüsusilə seçilirdi. Bu, obrazını qəribə baş aksessuarı ilə tamamlayan Şahzadə Yevgeniya idi.

Bu valehedici aksessuar çoxları üçün qeyri-adi olsa da, baş geyimləri İngiltərədə hələ də çox populyardır. Fasinator adlanan bu aksessuarlar papaqlara əla alternativdir və çox vaxt daha oynaq olur.

Minimal makiyaj

Kral ailəsinin qadınlarının minimal makiyaj etməsi yəqin ki, təəccüblü deyil. Bir çoxunda olduğu kimi, etiketə əsasən makiyajda da qadınların təbiiliyə üstünlük verməsi tələb olunur.

Burada Meqan həmişə olduğu kimi parlaq görünür. Bununla belə, bəzi kral ailə üzvləri bu tendensiyanı pozublar. Şahzadə Diana əvvəllər mavi layner çəkirdi. Keyt Midllton isə toy günü bir qədər ağır göz makiyajı ilə seçilmişdi.

Yenidən geyinilə bilən geyimlərə investisiya edin

Bir çox məşhurlardan fərqli olaraq, kral xanımları paltarlarını yenidən geyinmək haqqına sahibdir. Bu, onları bütövlükdə ictimaiyyətin maliyyələşdirməsi ilə bağlıdır. Keyt Middlton bir paltarı fərqli kombin edib geyinmək bacarığı ilə tanınır.

Pillboks şapkaları

Fasinator gördük və obodoklardan danışdıq. Kral ailələrində həb qutusunu xatırladan şapkalar da bir o qədər populyardır. Bu zərif baş geyimləri ilk dəfə 1930-cu illərdə icad edilib. Onların ən məşhur pərəstişkarı yəqin ki, cazibədar Jaklin Kennedi idi.

Atçılıq üslubları ilə eksperimentlər

Britaniya kral ailəsinin üzvləri olaraq, bu xanımlar, şübhəsiz ki, yaxşı at çapırlar. Şahzadə Anna peşəkar atçı idi. O, Avropa İdman Çempionatında bir neçə medal qazanıb, eləcə də Olimpiadada Böyük Britaniyanı təmsil edib. Anna jokey stilindən gündəlik obrazlarında da istifadə edirdi.

Daha çox astar əlavə edin

Krallığın qadınlarına paltarlarını dartmaq və oynamaq olmaz. Belə kobud səhvlərə yol verməmək üçün kral heyəti hər şeyi düşünüb. Kraliça Elizabet narahat olmamaq üçün paltarlarına əlavə astar tikdirirdi.

Dikdabanları bir ölçü böyük alın

Qabarcıqlardan qorunmağın bir yolu bir ölçü böyük ayaqqabı geyinməkdir. Bəzi məşhurlar da bu hiylədən istifadə edirlər ki, stilettolar dəriyə sürtünüb qanatmasın.

Sulfatsız şampun alın

Keyt Middlton ictimaiyyətdə tanınandan bəri inanılmaz saçlara sahibdir. Hersoginyanın qalın saçları hətta “Disney” qəhrəmanları ilə rəqabət apara bilər. Keytin hansı məhsullardan istifadə etdiyi ilə bağlı çoxlu şayiələr var. Amma Keytin saçını sulfatsız şampunlarla yuduğu dəqiqdir. İddiaya görə, Kembric hersoginyası dalğalı, qalın saçlarını “Kérastase” markasından №Bain Oleo-Relax” şampunu ilə yuyur. Bununla belə, Keytin stilisti Riçard Uordun da öz məhsul çeşidi var.

Aksessuar qutunuza yaxa sancaqları əlavə edin

Broşlar olduqca demode (dəbdə olmayan) görünə bilər. Bununla belə, 2022-ci ildə onlar yenidən dəbə mindi. Kraliça Elizabet yaxa sancağı taxmadan heç yerə getməzdi. O, broşlarını getdiyi ölkənin simvollarına və tədbirin mövzusuna əsasən seçirdi.

Baş örtüyünü aksessuara çevirin

Əgər papaqlar sizə görə deyilsə, onda niyə baş örtüyü sınamayasınız? Kraliça kənd xanımı stilinin böyük pərəstişkarı idi. Bu şəkil 1981-ci ildə “Windsor Horse Show”da çəkilib. Solda isə Şahzadə Annanı daha rəsmi baş örtüyü görünüşündə görə bilərik.

Lüks dəri altlıq geyin

Yuxarıda kral ailəsinin üzvlərinin xoşagəlməz qəzalardan qorumaq üçün silikon kolqotkalar və böyük ayaqqabı geyindiyiklərini qeyd etdik. Ancaq ayaqqabı ilə bağlı başqa bir hiylə də var! Ayaqqabıların sürüşməsinin qarşısını almaq üçün başqa bir variant dəri içlik geyinməkdir. Silikonda olduğu kimi, dəri ayaqların sürüşməsinin qarşısını alır.

Qalın parçalara diqqət edin

Kral ailəsinin üzvləri paltarlarının küləkdə uçmasını istəmirlər. Geyimin sabit saxlamağın başqa bir yolu daha ağır və ya qalın parça seçməkdir. Siluetinizi vurğulayan paltar onun küləkdə qalxmasına imkan verməyəcək.

Diplomatik geyinmək

Kral ziyarətləri zamanı kral ailəsi hörmət əlaməti olaraq ev sahibliyi edən ölkənin simvollarına aid obrazlar seçirlər. Məsələn, Keyt Middletnu Kanadaya səfər edərkən ölkənin bayrağına uyğun gələn qırmızı palto geyinib. O, həm də paltonu diplomatik ağcaqayın yarpağı broş ilə bəzəyib. Şotlandiyaya səfəri zamanı çəkilən digər kadrda isə dəbli hersoginya ölkənin milli naxışı olan dama-dama palto seçib.

Kiçik əl çantaları

Ümumiyyətlə, kral ailəsi kiçik əl çantalarına üstünlük verir. Ehtimal ki, məhsul və aksesuarlarla dolu nəhəng çantanı gəzdirmək xanımlara xas deyil. Təbii ki, Kraliça Elizabetin hər zaman istifadə etdiyi sevimli çanta modeli var idi. Əslində, onun İngilis lüks markası “Launer”dən 200-dən çox çantası olduğu bildirilir.

Alçaqdaban ayaqqabılar

Sürüşməyin qarşısını almaq üçün ancaq hündürdaban ayaqqabılarda istifadə edilən moda hiylələri kifayət deyil. Kraliça Elizabet çıxış yolunu çox kiçik dabanı olan ayaqqabılarda görürdü. Bu, həm də onun rahatlığını təmin edirdi.

Kirpikləri burun

Kral xanımları təbii görünüşə önəm verdikləri üçün saxta kirpiklər istifadə olunmur. Meqan Markl təravətli görünmək üçün kirpiklərini qıvırır. Bu vacib gözəllik hiyləsi ilə yanaşı Meqan “Dior Show Iconic” tuşundan istifadə edir. Qənaət etmək istəyəndə isə köməyə “Maybelline Lash Sensational Luscious Mascara”sı gəlir.

Palto və paltarı birləşdirin

Üşüməmək və dəbli olmaq üçün nə etmək lazımdır? Əlbəttə ki, palto və paltarı birləşdirmək. Bu hibrid geyim həm də o deməkdir ki, ətəklərin uçmaq ehtimalı azdır. Üstəlik, kral ailəsinin üzvlərinin üst paltarlarını ictimai yerlərdə çıxarmamaq problemini həll edir. Keyt Middlton palto kraliçasıdır. O, bu stili həm isti, həm də soyuq havada istifadə edir.

Monoxrom obrazla daha yaddaqalan təəssürat yaradın

Hər kəs bilir ki, Kraliça Elizabet parlaq rəng pərəstişkarı idi. 1989-cu ildə monarx Müqəddəs Anne kilsəsini ziyarət edərkən o, bütünlüklə qırmızıya bürünmüşdü. Həmişə olduğu kimi, obrazını lakonik çanta və broşla tamamlamışdı.

Lakin gənc kral ailələri daha fərqli yollara üz tuturlar. Meqan 2021-ci ildə Nyu-Yorka səfər edərkən tünd qırmızı dəstdə görünmüşdü. Kraliçadan fərqli olaraq, Meqan ayaqqabılarını da ansamblına uyğunlaşdırmışdı. Nəticə heyranedicidir!

Qaydaları pozmaqdan qorxmayın!

Kral ailəsi geyimlərini etiket qaydalarına əsasən seçsə də, bəzən özlərinə bu qaydalardan kənara çıxmağa icazə verirlər. Meqanın “Invictus” oyunlarına yırtıq cinsdə gəlməsi bəzilərini hiddətləndirsə də, ümumilikdə çox bəyənilmişdi.

Şahzadə Anna da çərçivələri sevmir, ona görə də öz qaydalarını yaradır. 1973-cü ildə o, 70-ci illərin tvid kostyumunu sarı rəngli köynək və qızıl boyunbağı ilə birləşdirmişdi.