Yəqin ki, son həftələrdə bu tezisi çox eşitmisiniz. Amma biz yenə də sizə xatırlatmağı özümüzə borc bilirik: qış ərəfəsində üst paltar almaq barədə düşünmək lazımdır. Termometrdə dərəcə durmadan aşağı doğru sürünür, plaşlar və pencəklər isə artıq bizi soyuqdan xilas etmir. Odur ki, biz daha fundamental bazarlıq haqqında düşünməliyik. Əgər çox üşüyənsinizsə, sırıqlı kurtkaların uzun modelləri ən şiddətli şaxtalarda belə sizə sədaqətlə xidmət edəcəklər. Uzun və sırıqlı kurtkalar qış üçün ən praktik üst geyimdir: isti saxlayır, havanın heç bir şıltaqlığından qorxmur və ən əsası dəbdədir. Bəs uzun kurtkaları hansı geyim və aksessuarlarla uyğunlaşdırmaq lazımdır?

Beləliklə, oxucuları mövsümün uzun kurtka dəbi ilə tanış edirik.

İlk və ən asan yolu odur ki, istənilən çəkmə ilə uyğun gəlir. Əgər kurtkanın altından don geyinmisinizsə, bu zaman uzunboğaz çəkmələr seçməlisiniz. Kurtkanın paltarı tamamilə örtməsi vacibdir ki, ayaqqabı ilə arasında bir “boşluq” meydana gəlməsin. Uzun kurtkalar boyunuzu vizual olaraq daha qısa göstərə bilər, lakin hündürdaban çəkmələr sayəsində bu problemi həll edə bilərsiniz.

Hərbiçi və qısaboğaz çəkmələr də bu kurtkalarla gözəl tandem yaradır. Biz həmçinin rahat ayaqqabılardan – yumşaq uggi çəkmələrindən və təbii ki, idman ayaqqabılarından imtina etməyi məsləhət görmürük. Sukeçirməz materialı olan və izolyasiya edilmiş modelləri seçin ki, onları hətta qış çamurunda da geyinə biləsiniz. Modeldən asılı olmayaraq, istənilən ayaqqabı uzun gödəkçə ilə etibarlı şəkildə birləşdirilə bilər.

Görünüşünüzü cins şalvar, rahat idman şalvarları, hətta trikotaj paltarlarla tamamlamaq olar. Bir sözlə, çox sayda seçim var və bunların hamısı nəinki həmişə zövqlü görünməyə, həm də sizi monotonluqdan xilas edəcək.

Heç vaxt dəbdən düşməyəcək modellər axtarırsınızsa, neytral rənglərdə kəmərli və ya kəmərsiz uzun, həcmli gödəkçələrə diqqət yetirməyi məsləhət görürük. Onlar rahat yorğanlara bənzəyirlər – yalnız qolları və papağı var. Qara və ya boz rəngli gödəkçə, şübhəsiz ki, ən praktik sərmayə olacaq, çünki ölkəmizin əksər bölgələrində qış adətən yalnız aşağı temperaturla deyil, həm də külək və yağmurla müşayiət olunur. Bununla belə, bəzən praktikliyi qurban verə və nanə, bej, açıq boz, qırmızı, ya sarı kimi rəngləri ala bilərsiniz. Bu çalarlar qara qədər universaldır və eyni dərəcədə təsirli görünürlər.