Dünyanın ən varlı insanlarından biri olan Bruney sultanın 31 yaşlı oğlu Əbdül Malik, 22 yaşlı Dayanqku Raabiatul Adaviyya Pengiran Hacı Bolkia ilə evlənib.
Publika.az-ın xarici mətbuata istinadən xəbər verir ki, toy mərasimi paytaxt Bəndar Səri Baqəvan şəhərində yerləşən 1788 otaqlı kral sarayında baş tutub.
Yeni ailə quranlar dostları və ailəsi qarşısında təmtəraqlı şəkildə nikaha daxil olub. Belə ki, cütlüyün toy libasları brilyant qaşlarla bəzədilib. Gəlin isə əlində təbii gül əvəzinə, qiymətli daşlardan hazırlanmış gül dəstəsi tutub.
Şahzadə Əbdül Malik Bruney kralının ən gənc oğludur və taxt-taca ikinci vəliəhddir.
Toy mərasimində isə 5 min qonaq iştirak edib. Ölkə adətlərinə görə, toy mərasimi 11 gün davam edəcək.
