Zəngin tərkibi ilə toyuq ürəyindən möhtəşəm və sağlam salat hazırlaya bilərsiniz. Əgər bu təamın hazırlanması maraqlıdısa, “Gencaile.az” saytının “Yeməyə nə var?” rubrikasında təqdim etdiyi bu yazını sona qədər oxunağınızı tövsiyə edirik.
Lazım olan ərzaqlar
– yarım kilo ürək;
– təxminən 150 qram adi pendir;
– 4 qaynadılmış yumurta;
– bir orta boy soğan;
– bir qaşıq sirkə;
– hər növ yaşıllığın bir dəstəsi;
– duz;
– bir neçə qaşıq mayonez.
Bişirmə üsulu
Əvvəlcə ürəkləri duzlu suda yarım saat bişirin. Bundan sonra soyumasını gözləyin. Ürəkləri suda buraxmaq daha yaxşıdır ki, şirəliliyini saxlasınlar. Soğanı doğrayın və üzərinə qaynar su tökün. Sonra böyük bir qaşıq sirkəni 100 ml suda seyreltin. Bu qarışımı soğanın üzərinə tökün.
Yumurta və pendiri sürtgəcdən keçirin. Sonra ürəkləri qalan maddələrlə bir qabda birləşdirin. Doğranmış göyərti, duz və mayonez əlavə edin.
