İş müsahibəsinə hazırlaşmaq bir çox hallarda stressli ola bilər. Müsahibə zamanı özünüzü necə təqdim edəcəyiniz, sualları necə cavablandıracağınızı düşünmək tək başına kifayət qədər stress yaradarkən bir də görünüşünüzə fikir vermək, necə geyinəcəyinizi fikirləşməklə də qarşı-qarşıya qalırsınız.

İş müsahibəsinə gedərkən geyim tərzinizə diqqət yetirmək sizə peşəkar təəssürat yaratmağa kömək edəcək. Şirkət mədəniyyətinə uyğun təmiz, səliqəli və mövsümi geyimlərin seçilməsi uğurlu iş müsahibəsinin vacib hissəsidir. Unutmayın ki, ilk təəssürat çox vacibdir və düzgün geyim seçimi bu təəssüratlara müsbət təsir edə bilər.

Şirkət mədəniyyətini araşdırın

İş müsahibəsinə getməzdən əvvəl şirkətin mədəniyyətini və geyim tərzini araşdırmaq vacibdir. Şirkətin veb saytına daxil olun, sosial media hesablarına baxın və şirkət haqqında məlumatı olan insanlarla danışın. Şirkətin rəsmi və ya daha çox təsadüfi iş mühitinin olub -olmadığını öyrənmək sizə düzgün geyim seçməyə kömək edəcək.

Ümumi geyim qaydaları – Kişilər üçün

Kostyum : Tünd rəngli kostyumlara üstünlük verin. Kostyum klassik bir seçimdir və ümumiyyətlə yaxşı bir təəssürat yaradır.

Köynək və qalstuk: Ağ və ya açıq mavi kimi neytral rəngdə köynək geyin. Qalstukunuz kostyumunuza uyğun olmalıdır, lakin çox parlaq və ya diqqət çəkən naxışlardan çəkinin.

Ayaqqabılar: Qara və ya qəhvəyi rəngli klassik dəri ayaqqabıları seçin.

Aksessuarlar: Minimal, sadə bir saat seçin.

Ümumi geyim qaydaları – Qadınlar üçün

Blazer və ətək/şalvar: Tünd rəngli blazer və ona uyğun ətək/şalvar seçin. Blazer gödəkçə peşəkar görünüş təmin edir.

Bluz və ya köynək: Sadə rəngli bluz və ya köynək geyin. Naxışlardan və çox parlaq rənglərdən çəkinin.

Ayaqqabılar: Klassik, qapalı dabanları seçin. Daban hündürlüyünün çox yüksək olmadığından əmin olun.

Aksessuarlar: Minimal və zərif aksessuarlar seçin. Həddindən artıq diqqət çəkən aksesuarlardan çəkinin.

Sektora uyğun xüsusi geyimlər

Maliyyə və hüquq sektorları: Bu sektorlarda klassik və rəsmi geyimlərə üstünlük verilir. Kostyum və qalstuk kişilərə, blazer və ətək/şalvar kombinasiyası isə qadınlara uyğun gəlir.

Yaradıcı sektorlar (reklam, dizayn, moda): Yaradıcı sektorlarda geyim baxımından bir az daha sərbəst ola bilərsiniz, amma yenə də peşəkar görünməlisiniz. Kişilər üçün dəbli blazer və çino şalvar, qadınlar üçün gözəl görünüşlü paltar və ya ətək-bluz kombinasiyası uyğun ola bilər.

Texnologiya və Start-UP  mühitləri: Bu mühitlərdə daha rahat geyim tərzi qəbul edilir. Bununla belə, müsahibə üçün təmiz və səliqəli geyinmək vacibdir. Kişilər üçün keyfiyyətli köynək və cins şalvar, qadınlar üçün isə rahat, lakin dəbli bluz və şalvar uyğun ola bilər.

Təmizlik və nizam-intizam

Paltarların təmizliyi: Paltarlarınızın təmiz və ütülü olduğundan əmin olun. Kirli və ya qırışlı paltar pis təəssürat yaradır.

Şəxsi gigiyena: Saçlarınızın təmiz və səliqəli olmasına və dırnaqlarınızın baxımlı olmasına diqqət edin. Əgər ətirdən istifadə edirsinizsə, yüngül və qıcıqlandırıcı olmayan bir qoxu seçin.

Hava-iqlim şəraiti

Fəsilə uyğun geyinmək: İsti havada yüngül parçalardan hazırlanmış geyimlərə üstünlük verin. Soyuq havalarda isti, amma  dəbli görünən geyimlər seçin.

Rəng seçimi

Neytral rənglər: Qara, göy rəngli, boz və ağ kimi neytral rənglər peşəkar görünüş verir. Həddindən artıq parlaq və diqqət çəkən rənglərdən çəkinin.

Naxışlar və çaplar: Naxışlar və çaplarla diqqətli olun.  Çox göz oxşayan naxışlardan çəkinin və düz naxışlara üstünlük verin.

Nigar Orucova