Bir çox insan istiyə qarşı dözümsüzdür və hətta ondan qorxur. Məsələn, yüksək təzyiqli xəstələr əmindirlər ki, istidə infarkt və ya insult inkişaf edə bilər. Bəs bu, doğrudurmu? Sağlamlığınıza zərər vermədən istidən necə xilas olmaq olar?
MayoMed Medikal Fizioterapiya vətər Reabilitasiya Mərkəzinin təsisçisi və baş həkimi, terapevt, ailə həkimi Nərminə Abbasova qeyd edir ki, hipertoniya xəstələri üçün ən vacibi istənilən hava şəraitində həblərini müntəzəm qəbul etməyə davam etməkdir.
Mütəxəssis həmçinin su balansına nəzarət etməyi, yəni bədənin tələb etdiyi qədər su içməyi məsləhət görür.
“Təzyiq xəstələrinin həddindən artıq mayeyə ehtiyacı yoxdur, lakin onlar susuzluğa qarşı da həssasdırlar. Buna görə suyu balanslı şəkildə içmək, artıq içməmək lazımdır”,-deyə həkim bildirir.
