Hər kəs bilir ki, dəniz suyunu içmək düzgün deyil. Bəs onun kiçik bir hissəsini təsadüfən udmaq haqqında nə demək olar? Bu barədə internetdə ən ziddiyyətli fikirləri tapa bilərsiniz.
Bəzi insanlar dəniz suyunun steril olduğuna inanırlar və düşünürlər ki, pis bir şeyə yoluxmaq praktiki olaraq mümkün deyil. Ancaq tez-tez dəniz suyunun tipik “dəniz” xəstəliyinə – rotavirus qastroenteritinə səbəb olan mikroorqanizmlər üçün çoxalma zəmininə çevrildiyi barədə fikirlərə rast gəlmək olar. İnfeksiya dəniz suyunu udduqda baş verir. Bundan sonra mikrob bir neçə gün bədəndə hərəkətsiz qalır və sonradan artıq dağıdıcı təsirinə başlayır.
Reallıq necədir? MayoMed Medikal Fizioterapiya vətər Reabilitasiya Mərkəzinin təsisçisi və baş həkimi, terapevt, ailə həkimi Nərminə Abbasova bildirir ki, dəniz suyunun udulması ölümcül deyil, amma risk var.
“Görəsən, dəniz suyu özünü dezinfeksiya etsəydi, dənizdə həyat necə olardı?”
Ekspertqeyd edir ki, dəniz suyunda çoxlu bakteriya, virus və digər mikroskopik canlılar var. Sadəcə olaraq, 24 dərəcə Selsi temperatura qədər mikroblar çox aktiv şəkildə çoxalmır, buna görə də onların konsentrasiyası kiçikdir və sağlamlıq üçün xüsusi təhlükəli deyil. Ancaq bir az isti Misir suyunu udduqdan sonra, tətilinizin qalan hissəsini ishalla mübarizə aparmaq kimi problemlərlə keçirə bilərsiniz.
