Böyrək daşlarının təbii yolla əridilməsi üçün bəzi bitki çaylarının faydalı olduğu bildirilir, amma bu üsullar kiçik və erkən mərhələdə olan daşlar üçün daha təsirli olur.
Beləliklə, xarici mediaya istinadən böyrək daşını yox edən təbii çayları təqdim edirik:
Cəfəri çayı: Cəfəri təbii sidikqovucu xüsusiyyətlərə malikdir və böyrəkdəki artıq mineral və toksinləri atmağa kömək edir. Cəfəri çayını müntəzəm içmək, kiçik böyrək daşlarının sidik yolu ilə xaric edilməsinə dəstək ola bilər.
Hibiskus (Məkkə gülü) çayı: Hibiskus böyrəklərin fəaliyyətini dəstəkləyən və sidikqovucu təsirə malik bitkidir. Böyrək daşlarının azalmasında faydalıdır.
Qarğıdalı saçağı çayı: Qarğıdalı saçağı (corn silk) sidikqovucu xüsusiyyətləri ilə tanınır və böyrək daşlarının hərəkət etməsinə və xaric edilməsinə kömək edə bilər. Bu çay sidik yollarının təmizlənməsində də faydalıdır.
Qatırquyruğu (horsetail) çayı: Qatırquyruğu sidikqovucu xüsusiyyətə malikdir və böyrək daşlarının təmizlənməsində istifadə edilir. Bu çayı müntəzəm olaraq qəbul etmək kiçik daşların parçalanmasına və sidik yolu ilə atılmasına kömək edə bilər.
