Psixoloq Mark Trevers münasibətlərin uzunmüddətli və sağlam olduğunu göstərən əsas əlamətləri açıqlayıb. O, qeyd edir ki, münasibətlərdə sabitliyi çox vaxt monotonluqla səhv salırlar, halbuki əksər hallarda məhz bu sabitlik uzunmüddətli və güclü sevginin göstəricisidir.
“Uzunmüddətli münasibətlərdə qeyri-sabitliyin olmaması sağlam bağın ən açıq əlamətlərindən biridir. Lakin insanlar bəzən bunu durğunluq kimi qəbul edirlər. Əslində isə bu, romantikanın ilk mərhələsindən çıxaraq daha güclü mərhələyə keçən sevginin sübutudur”, – deyə Trevers vurğulayıb.
Treversin göstərdiyi əsas 3 əlamət:
Partnyor gələcək üzərində bu gündən işləyir. Psixoloqun sözlərinə görə, dərin bağlılıq həm gələcəyi təsəvvür etməklə, həm də gündəlik kiçik addımlar atmaqla özünü göstərir. İnsanlar uzunmüddətli xoşbəxtlik vəd edən münasibətlərdə qalmağa daha çox meyllidirlər.
Partnyor sizin zərərli vərdişlərinizi dayandırır. Trevers bildirir ki, hətta ən güclü insanlar belə, münasibətlərə mənfi təsir edən vərdişlər qazana bilər. Həqiqi sevən insan bu vərdişlərin formalaşmasına biganə qala bilməz. Tərəflər bir-birinin şəxsi inkişafını dəstəklədikdə həm insanlar, həm də münasibətlərin özü inkişaf edir. Əks halda dəstəyin olmaması və ya həddindən artıq tənqid gərginlik yaradır.
Partnyor münasibətləri nəzərə alaraq inkişaf edir. Əgər insan özünü elə inkişaf etdirirsə ki, bu həm ona, həm də münasibətlərə fayda gətirir, bu, onun uzunmüddətli niyyətlərinin ən güclü göstəricilərindən biridir. Bu addımlar şəxsi davranışın münasibətlərin keyfiyyətinə təsirini anlamaqdan irəli gəlir.
Trevers əlavə edib ki, bu üç əlamətin ortaq nöqtəsi var: “Dərin diqqət və həssaslıq, daim davamlı hərəkətlərlə müşayiət olunur”.
Sifayə Abbas
