İşləyənlərin bütün günü kompüter qarşısında oturması, kompüterin həddən çox və yanlış istifadəsi sağlamlıq problemlərinə yol açır. Bu xəstəliklərə qarşı tədbirlər görülməzsə, sağalma müddəti gecikir və xəstəlik xronikiləşir. “Gencaile.az” Aile.lent.az-a istinadən kompüter istifadəçilərini təhdid edən 4 xəstəliyi təqdim edir.
Boyun yırtığı
Kompüterdən çox istifadə edildiyi üçün boyundan başlayan və qola doğru uzanan ağrılar gücsüzlük və keyimə ilə birgə yaşanarsa, bu, boyun yırtığına işarə edir. Kompüterdə çalışarkən uzun müddət eyni sabit vəziyyətdə durmaq bu problemə yol açır.
Miyofasiyal ağrı sindromu
Uzun müddət sabit vəziyyətdə oturaraq işləməli olanlarda bel əzələlərində miyofasiyel ağrı sindromu ortaya çıxır. Bu sindrom əsasən bel və kürək sümüyü ətrafındakı əzələ qruplarında ağrıya səbəb olur.
Tendinit
Dirsək və əl-bilək ətrafında fərqli tendinit tabloları ortaya çıxa bilər. Kompüterdə işləyərkən bilək hissəni yuxarıda saxlamaq əl və bilək ətrafında ağrıya səbəb olur.
Qapalı tunel sindromu
Əl və biləyin çox istifadəsi əllərdə gecələr keyiməyə səbəb olan qapalı tunel sindromuna yol açır. Uzun müddət bu şikayət davam edərsə, əl əzələlərində gücsüzlük və ərimə meydana gəlir.
Bu xəstəliklərə nələr səbəb olur?
Uzun müddət təkrarlayıcı hərəkətlər etmək
Düzgün oturmamaq
Uzun müddət sabit bir vəziyyətdə oturmaq
Bəzən həddən çox güc sərf etmək
Klaviatura düymələrini möhkəm basmaq, siçanı möhkəm tutmaq
Otaqda pis havalandırma
İşlərdən razı qalmamaq, monoton işləmək
Ağır iş və məsuliyyətlər
İş yerində dəstəyin az olması
Siqaret istifadəsi və yaşlılıq
