Amerika tədqiqatçıları belə hesab edirlər ki, vegetarian pəhrizi beyin qocalmasının qarşısını almağa kömək edə bilər.
“Science.ru” saytının yazdığına görə, ABŞ-ın Raşa Universitetinin mütəxəssisləri bununla bağlı təcrübə keçiriblər. Təcrübədə 70-80 yaşlı könüllülər iştirak edib. Beş il ərzində iştirakçıların intellektual göstəricilərində olan dəyişikliklər qeydə alınıb. Mütəxəssislərin mülahizələrinə görə “yaşıl” pəhriz yaşlı adamların beynində olan pozulmaların qarşısını alıb. Belə ki, ABŞ-da altshaymer xəstəliyi (beyinlə bağlı xəstəlik) geniş yayılıb və adətən ölümlə nəticələnir. Buna görə də dietoloqlar yaşlı insanlara ət, pendir, unlu və qızartma yeməklərdən az istifadə etməyi məsləhət görürlər. Həkimlər yaşlılara tərəvəz, paxlalılar, giləmeyvə və dənli bitkilərlə qıdalanmağı tövsiyə edirlər.
