Valideynlər doğma övladlarını paltaryuyan maşınına ataraq öldürüblər. Hadisə Fransada baş verib. Dəcəllik etdiyini bəhanə gətirən valideynlər üç yaşındakı oğullarını paltaryuyan maşınına atıb öldürdüklərini boyunlarına alıblar. Uşağın atası 36 yaşlı Kristop Çampenois oğlunun ləyəndə boğulduğu bəhanəsi ilə təcili yardım çağırıb. Təcili yardım gələndə artıq uşağın ölmüş olduğu aşkar edilib. Hadisəni araşdıran polislər ölmüş uşağın beş yaşındakı bacısını dindirmə zamanı maraqlı fakt ilə üzləşib. Balaca qız qardaşının atası tərəfindən paltaryuyan maşınına atıldığını deyib. Sonradan məlum olub ki, ata və ana həmişə üç yaşındakı uşaqla dəcəl olduğu üçün pis rəftar ediblər. Əvvəlcə etdiyi cinayəti boyunlarına almaq istəməyən valideynlər daha sonra hadisəni olduğu kimi polisə danışıblar. Məlum olub ki, 29 yaşlı ana Çarlen Kot oğlunun dəcəlliklərindən təngə gəldikləri üçün onu paltaryuyan maşına atıb, qapısını bağlayıblar ki, səsi gəlməsin. Bir müddət burada qalan uşaq, havasızlıqdan boğularaq ölüb. Fransa məhkəməsi ataya 30, anaya isə 12 il həbs cəzası kəsib. Onlar valideynlik hüququndan məhrum ediliblər.
