İnsan beyninin yaddaş tutumu 2.5 milyon GB-dır. Bu maraqlı məlumat Türkiyənin Uludağ Universitetinin “NBeyin” adlı konfransında səsləndirilib. Sözügedən bu rəqəm, 300 il davam edən HD film yazısının həcmi ilə ekvivalent tutulur.
Bu məlumatların müəllifi Dos. Dr. Sinan Canan, konfrans iştirakçılarına beyin fiziologiyası haqqında məlumatlar verib. Yaddaşın xüsusiyyətlərindən hesab olunan dəqiqlik, yaddaşın həcmli olması, yadda saxlamanın sürəti, yaddaş təzələnməsi, yaddan çıxarmanın sürəti və s. məsələlər kompüterdəki bəzi parametrlərə uyğun gəldiyindən həmin məsələlərə də toxunulub.
Elm adamları beynin kompüterə tam bənzəmədiyini bildirib. Onların sözlərindən aydın olur ki, insan beynində iki dənə bir-birinə bənzəyən sinir hüceyrəsi olmadığından hüceyrələr arası əlaqələrin sayı qalaktikadakı ulduzlar qədər çoxdur. Məhz, beyindəki əlaqə xəritəsi sayəsində hamımız tək və ayrı fərdlər olaraq həyatımızı davam etdiririk. Bu baxımdan hər bir insan bunları bilməli və güclü yaddaşa sahib olmalıdır. Çünki informasiyanın toplanmsı, saxlanmsı və yenilənməsi üçün beynin funksiyalarından və fəaliyyət növlərindən biri olan yaddaş, orqanizmin ətraf mühitə operativ reaksiyası və perspektiv planlaşdırılması üçün lazımdır.
